पुणे | कोरोनामुळे लॉकडाउन नाही | पण 31 मार्च पर्यंत केवळ कडक निर्बंधांची घोषणा

पुणे, १२ मार्च: पुण्यात लॉकडाउनच्या चर्चा सुरू असतानाच विभागीय आयुक्तांनी लॉकडाउन लागणार नाही असे गुरुवारी पत्रकार परिषदेत स्पष्ट केले. पालकमंत्री अजित पवार यांच्या अध्यक्षतेखाली पुण्याच्या प्रशासकीय अधिकाऱ्यांची बैठक पार पडली. यामध्ये भाजप नेते चंद्रकांत पाटील यांचीही उपस्थिती होती. त्यामध्ये सरसकट लॉकडाउन न लावता केवळ कडक निर्बंध लावण्याचा निर्णय घेण्यात आला आहे.

उपमुख्यमंत्री अजित पवार यांनी सांगितल्याप्रमाणे, यात विरोधी पक्षासह दोन खासदार सुद्धा होते. सर्वांना विश्वासात घेऊन निर्णय घेण्यात आला. माझी तमाम महाराष्ट्र आणि पुण्याच्या जनतेला आवाहन आहे, की कोरोना आणि त्यासाठी लावण्यात आलेल्या निर्बंधांना गांभीर्याने घ्या. लसिकरणाला प्रतिसाद द्या. लोक नियमांचे पालन करत नसल्याने आपल्याला कडक निर्बंधांचा निर्णय घ्यावा लागला आहे. रात्री 10 ते सकाळी 6 पर्यंतची संचारबंदी अत्यावश्यक सेवा सोडून आपण लागू केली आहे.

पुण्याच्या विभागीय आयुक्तांनी शुक्रवारी जारी केलेल्या माहितीनुसार, आजपासून 31 मार्च पर्यंत रात्रीची संचारबंदी लागू करण्यात आली आहे. यामध्ये शाळा आणि महाविद्यालयांसह सार्वजनिक कार्यक्रम पूर्णपणे बंद करण्यात आले आहेत. तर अंत्यविधी आणि इतर कार्यक्रमांसाठी 50 पेक्षा जास्त लोकांना एकत्रित जमता येणार नाही. 31 मार्च पर्यंत हॉटेल आणि मॉल रात्री 10 वाजेपर्यंत सुरू राहतील. परंतु, या दरम्यान त्यांना 50 टक्केच आसनक्षमता ठेवावी लागणार आहे. रात्री 10 ते 11 या दरम्यान हॉटेल सुरू राहतील पण, त्यांना ग्राहकांना बसवता येणार नाही. या काळात ते केवळ होम डिलिव्हरी करू शकतील. उद्याने सुद्धा केवळ सकाळी सुरू आणि संध्याकाळी बंद ठेवले जातील.

स्पर्धा परीक्षांसाठी कोचिंग क्लासेसला परवानगी !

स्पर्धा परीक्षेच्या पार्श्वभूमीवर कोचिंग क्लासेसला परवानगी द्यावी, अशी सूचना आपण आजच्या पालकमंत्री श्री. अजितदादांच्या बैठकीत केली असता, ती सूचना मान्य करण्यात आली असून नियम पाळून ५० टक्के आसन क्षमतेत परवानगी देण्यात आली आहे.

— Murlidhar Mohol (@mohol_murlidhar) March 12, 2021

News English Summary: While discussing the lockdown in Pune, the divisional commissioner clarified at a press conference on Thursday that there would be no lockdown. A meeting of Pune administrative officers was held under the chairmanship of Guardian Minister Ajit Pawar. BJP leader Chandrakant Patil was also present. It has been decided to impose only strict restrictions without any lockdown.

News English Title: Pune government decided to impose only strict restrictions without any lockdown news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.