पुण्यात दहशत निर्माण करण्याच्या हेतूने ५५ गाड्यांची तोडफोड

पुणे : महाराष्ट्रातील सांस्कृतिक शहर म्हणून ओळख असलेल्या पुण्यात पुन्हा एकदा गुंडांचा उच्छाद पाहायला मिळाला आहे. गुंडांनी दहशत निर्माण करण्यासाठी पुण्यातील सहकारनगर भागात जवळपास ५५ गाड्यांची तोडफोड केली आहे. यात रिक्षा आणि दुचाकींचा समावेश आहे. या घटनेमुळं नागरिकांमध्ये भीतीचं वातावरण तयार झालं असून पुण्यातील कायदा सुव्यवस्थेवरच प्रश्नचिन्ह निर्माण झाले आहेत.

यापूर्वी याच ठिकाणी अशी घटना घडून ५० ते ५५ गाड्यांची सीट फाडून गाड्यांचे मोठे नुकसान करण्यात आले आहे. यामुळे स्थानिक नागरिक दहशतीखाली आहेत. याकडे पोलिसांनी लक्ष द्यावे अशी नागरिकांची मागणी आहे. यामध्ये रिक्षा आणि दुचाकींचा समावेश आहे. या घटनेमुळं नागरिकांमध्ये भीतीचं वातावरण तयार झालं असून पुण्यातील कायदा सुव्यवस्थेवरच प्रश्नचिन्ह निर्माण झाले आहेत. सहकारनगरच्या तळजाई टेकडी भागात पहाटेच्या सुमारास हा प्रकार घडला. गुंडांनी ५५ ते ६० गाड्या फोडल्या. यामागे नेमकं कोण आहे हे अद्याप स्पष्ट झालेलं नाही. पोलीस घटनास्थळी पोहचले असून तपास करत आहेत.

३ रिक्षा, कार आणि ३० ते ३५ दुचाकी वाहनांची तोडफोड करण्यात आली आहे. हे टोळके कोण होते, त्यांनी कशासाठी ही तोडफोड केली याची काहीही माहिती अजून सहकारनगर पोलिसांना होऊ शकली नाही. टोळक्याने लाकडी दांडके, कोयते यांच्या सहाय्याने वाहनांच्या काचा फोडल्या. पुण्याबरोबरच पिंपरीतील थरमॅक्स चौक, अजंठानगर येथेही १० ते १२ वाहनांची तोडफोड करण्यात आली आहे. ही घटनाही मध्यरात्रीच्या सुमारास घडली आहे.

Web Title:  Vehicles burned in Pune Pimpari to terrorize local people by hooligan.