VIDEO - तुमच्या राज्यात विनापरवानगी आलो | राज्यपालांची अजित पवारांना कोपरखळी

पुणे, 15 ऑगस्ट : स्वातंत्र्य दिनानिमित्ताने पुण्यात शासकीय ध्वजारोहण सोहळा राज्यपाल भगतसिंग कोश्यारी यांच्या हस्ते पार पडला. यावेळी राष्ट्रवादीचे नेते आणि राज्याचे उपमुख्यमंत्री अजित पवार उपस्थितीत होते. अजित पवार जेव्हा राज्यपालांचं स्वागत करण्यास पोहोचले होते, तेव्हा राज्यपालांनी आपल्या शैलीत चांगलीच कोपरखळी अजितदादांना लगावली.

पुणे जिल्ह्याचे मुख्य शासकीय ध्वजारोहण राज्यपाल भगतसिंग कोश्यारी यांच्या हस्ते झाले. कौन्सिल हॉल इथं हा सोहळा पार पडला. राज्यपाल ध्वजारोहण सोहळ्यासाठी पोहोचले असता त्यांच्या स्वागतासाठी उपमुख्यमंत्री अजित पवार हे उपस्थिती होते.

अजित पवारांचा पुणे जिल्ह्याच्या राजकारणावर वचक आहे. राज्यपाल कोश्यारी यांनाही हे माहिती आहे. राज्यात सध्या पार्थ पवार आणि शरद पवार यांच्यातील ‘संघर्ष’ वादाचे स्वरूप घेऊ लागला आहे. गेल्या दोन दिवसांपासून पवार कुटुंबीयांमध्ये मोठ्या प्रमाणावर बैठका सुरु आहेत. पार्थ पवार यांच्या विधानावर शरद पवार यांनी प्रतिक्रिया दिली होती. यावरून अजित पवार नाराज असल्याचे बोलले जात आहे. यानंतर तातडीने अजित पवार यांनी शरद पवारांची भेट घेतली होती. तसेच शुक्रवारीही बैठकांचे सत्र सुरु होते.

अजितदादांना पाहताच राज्यपाल म्हणाले की,’आपके राज्य में हम आपकी बिना परमिशन के आ गए है’. राज्यपाल असं म्हटल्यामुळे अजितदादांनीही स्मित हास्त करत ‘असे काही नाही’ म्हणून राज्यपालांचं स्वागत केलं. राज्यपालांच्या या कोपरखळीमुळे राजकीय वर्तुळात चांगलीच चर्चा रंगली आहे.

Independence Day 2020 | ‘आपके राज्य में हम आपकी बिना परमिशन के आ गए है’. राज्यपाल असं म्हटल्यामुळे अजितदादांनीही स्मित हास्त करत ‘असे काही नाही’ म्हणून राज्यपालांचं स्वागत केलं. pic.twitter.com/pgYfhsICUB

— महाराष्ट्रनामा न्यूज (@MahaNewsConnect) August 15, 2020

News English Summary: Seeing Ajit Pawar, the Governor said, “We have come to your state without your permission.” Ajit Pawar also smiled and welcomed the Governor saying ‘there is nothing like that’. Due to this corner of the governor, there is a good discussion in the political circles.

News English Title: Video Pune We came to your state without permission said Governor Bhagat Singh Koshari to Deputy CM Ajit Pawar News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.