पुणे महानगरपालिकेचे आयुक्त शेखर गायकवाड यांची बदली, विक्रम कुमार नवे आयुक्त

पुणे, ११ जुलै : महाविकासआघाडी सरकारकडून शनिवारी राज्यातील सनदी अधिकाऱ्यांच्या IAS बदल्या करण्यात आल्या. यामध्ये पुणे महानगरपालिकेचे विद्यमान आयुक्त शेखर गायकवाड यांचा समावेश आहे. पुण्यातील कोरोनाची परिस्थिती हाताळण्यात आलेल्या अपयशामुळे शेखर गायकवाड यांची बदली करण्यात आल्याची चर्चा आहे. तर पीएमआरडीएच्या विक्रम कुमार यांच्याकडे आता पुण्याचा कारभार सोपवण्यात आला आहे.

यामध्ये पुणे महापालिकेत शेखर गायकवाड येण्यापूर्वी ते साखर आयुक्त म्हणून काम पाहत होते. आता पुन्हा त्याच पदावर त्यांना काम करण्याची संधी मिळणार आहे. तर त्यांच्या जागी असलेले सौरभ राव यांनी जिल्हाधिकारी, पुणे महापालिका आयुक्त म्हणून काम पाहिले होते. त्यानंतर त्यांची पुणे महापालिकेतून साखर आयुक्त म्हणून बदली करण्यात आली होती. आता त्यांची विभागीय आयुक्त म्हणून बदली करण्यात आली आहे.

विक्रम कुमार हे २००४ च्या आयएएस अधिकारी आहेत. पीएमआरडीएचे तात्कालीन आयुक्त किरण गित्ते यांच्यानंतर त्यांनी पदभार स्वीकारला होता. आता ते पुणे महापालिका आयुक्त म्हणून काम पाहणार आहे. त्यांच्यासमोर पुुणे शहरात वेगाने फोफावत चाललेली कोरोनाची परिस्थिती आटोक्यात आणण्याचे मोठे आव्हान असणार आहे.

News English Summary: Pune Municipal Commissioner Shekhar Gaikwad has been transferred as Sugar Commissioner and Vikram Kumar of PMRDA has been transferred as Commissioner. Saurabh Rao has been appointed as Pune Divisional Commissioner.

News English Title: Vikram Kumar Has Been Transferred As The New Municipal Commissioner Of Pune Shekhar Gaikwad As The Sugar Commissioner News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.