सुप्रिया'ज किचन - पावभाजी

पाककृती - (Procedure)

1. सर्वात प्रथम 2 कुकर ची भांडी घ्यावी त्यातील एका कूकरच्या भांड्यामध्ये बटाटे आणि पाणी व दुसर्‍या भांड्यामध्ये बारीक चिरलेला फ्लॉवर, सिमला मिरची आणि हिरवे वाटाणे घालून स्वच्छ धुवून घ्यावेत त्यानंतर कुकर मध्ये पाणी घालून त्यामधे कुकरची भांडी घालून गॅस सुरू करून 4-5 शिट्ट्या करून शिजवून घ्यावे.
2. त्यानंतर त्यामधे बटाट्याची साली काढून किसून घ्यावे व शिजवलेले सगळे पदार्थ एकत्र करून मिक्स घ्यावे. त्यानंतर ते स्मॅश करून घ्यावे.
3. पावभाजी मसाला बनविण्यासाठी गॅस सुरू करून भांड्यामध्ये 4-5 चमचे तेल घालून गरम करून घ्यावे त्यानंतर त्यामधे बारीक चिरलेला कांदा घालून गुलाबी रंग येईपर्यंत भाजून घ्यावा.
4. त्यानंतर त्यामधे बारीक चिरलेले टोमॅटो घालून परतून घ्यावे त्यानंतर त्यामधे आले लसुण पेस्ट, पावभाजी मसाला, लाल मिरची पावडर, चटणी, साखर आणि थोडे बटर घालून मिक्स करावे.
5. त्यानंतर त्यामधे घोटलेले मिश्रण घालून मिक्स करावे व चवीनुसार मीठ घालून व्यवस्थित मिक्स करून घ्यावे. त्यानंतर त्यामधे बटर घालून झाकण ठेवून 10 मिनिट शिजू द्यावे व गॅस बंद करावा.
6. पावभाजी खाण्यासाठी तयार आहे. त्यासोबत भाजून घेतलेले लादी पाव, बारीक चिरलेला कांदा, बारीक चिरलेली कोथिंबीर व लिंबू सोबत सर्व्ह करावी.