Religious Adhyatma | आज अंगारकी संकष्टी चतुर्थी | गणेशाच्या दर्शनासाठी मंदिराबाहेर रांगा

मुंबई, ०२ मार्च: आज म्हणजे 2 मार्च फाल्गुन महिन्यातील संकष्टी चतुर्थी आहे. चतुर्थी मंगळवारी येते तेव्हा ती अंगारकी चतुर्थी म्हणून ओळखली जाते. म्हणून त्याला अंगारकी संकष्टी चतुर्थी म्हटलं जातं. या दिवशी गणेशाची पूजा केल्यास सर्व मनोकामना पूर्ण होतात. प्रत्येक महिन्यात दोन चतुर्थी असतात. दोन्ही चतुर्थी गणेशाला समर्पित आहेत. शुक्ल पक्षावर पडणार्‍या चतुर्थीला विनायक चतुर्थी आणि कृष्ण पक्षाच्या चतुर्थीला संकष्टी चतुर्थी म्हणतात.

दरम्यान आज या वर्षातील पहिली अंगारकी संकष्टी चतुर्थी त्यामुळे गणेशभक्तांमध्येही विशेष उत्साह आहे. गणेशाच्या दर्शनासाठी लाखो भाविक मंदिराबाहेर रांगा लावून गणपती चरणी डोकं ठेवण्यासाठी येतात. मात्र यंदा कोरोनाच्या प्रार्दुभाव मंदिरावर काही निर्बंध लादले आहेत. यामुळे मुंबईतील जगप्रसिद्ध अशा प्रभादेवीच्या सिद्धीविनायकाचे ऑफलाईन दर्शन बंद ठेवण्यात आले. कोरोनाच्या पार्श्वभूमीवर हा निर्णय घेण्यात आला. यामुळे अंगारकी चतुर्थी दिवशी सिद्धीविनायकाचे दर्शन न घेता आल्याने भाविक मंदिराबाहेर उभे राहून सिद्धीविनायकाच्या दर्शनासाठी आलेले चित्र पाहायला मिळाले.

या दिवशी गणपतीच्या द्विजप्रिय स्वरुपाची पूजा केली जाते. असं मानलं जातं की, विघ्नहर्ता द्विजप्रिया गणेशाला चार डोके आणि चार हात आहेत. त्यांची उपासना आणि उपवास केल्याने सर्व प्रकारचे त्रास दूर होतात.

News English Summary: Today is Sankashti Chaturthi in the month of Falgun. When Chaturthi falls on a Tuesday, it is known as Angarki Chaturthi. Hence it is called Angarki Sankashti Chaturthi. If Ganesha is worshiped on this day, all desires are fulfilled. There are two quarters each month. Both Chaturthi are dedicated to Ganesha. The Chaturthi that falls on Shukla Paksha is called Vinayak Chaturthi and the Chaturthi of Krishna Paksha is called Sankashti Chaturthi.

News English Title: Today is Sankashti Chaturthi in the month of Falgun news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.