इंग्लंडचा ‘जागतिक’ विजय! क्रिकेटला मिळाला नवा विश्वविजेता

लंडन : आयसीसी क्रिकेट विश्वचषक स्पर्धा २०१९ च्या अंतिम सामन्यात सुपर ओव्हरच्या माध्यमातून इंग्लंड नवा विश्वविजेता ठरला. दरम्यान प्रथम फलंदाजी करताना न्यूझीलंडने ५० षटकात एकूण २४१ धावांच लक्ष इंग्लंड टीमसमोर ठेवलं होतं. या आव्हानाचा पिच्छा करताना इंग्लंडनेदेखील देखील तेवढ्याच म्हणजे २४१ धावाच केल्या. परिणामी सामन्यात सुपर ओव्हर खेळवण्याचा निर्णय घेण्यात आला. सुपर ओव्हरमध्येही सामना अनिर्णित राहिला. त्यामुळे सर्वाधिक चौकार-षटकारांच्या निकषावर इंग्लंडला यावेळचा विश्वविजेता म्हणून घोषित करण्यात आले.

नाणेफेक जिंकून न्यूझीलंडने प्रथम फलंदाजीचा निर्णय घेतला, तरी ते मोठी मजल पूर्णपणे अपयशी ठरले आणि त्यांचा हा निर्णय फसला. इंग्लंडच्या वेगवान माऱ्यापुढे न्यूझीलंडला केवळ २४१ धावांपर्यंतच मजल मारता आली. न्यूझीलंडकडून एक बाजू लावून धरत सलामीवीर हेन्री निकोल्स याने संयमी अर्धशतक केले. त्याने ५५ धावांची खेळी केली. तर डावाच्या शेवटच्या टप्प्यात टॉम लॅथम याने ४७ धावांची उपयुक्त खेळी केली. इतर फलंदाजांना मात्र चांगली खेळी करता आली नाही. ख्रिस वोक्स आणि लिअम प्लंकेट या दोघांनी ३-३ बळी टिपले.

The England players are jubilant! Jofra Archer is in tears!

The greatest cricket match of all time?#CWC19 | #CWC19Final pic.twitter.com/2HIA63RF4y

— Cricket World Cup (@cricketworldcup) July 14, 2019

या आव्हानाचा पाठलाग करताना इंग्लंडची सुरुवात अत्यंत खराब झाली. पण बेन स्टोक्स आणि जोस बटलर या दोघांनी मोठी भागीदारी करून इंग्लंडच्या आशा पल्लवित केल्या. या दोघांनीही अर्धशतकी खेळी केली. सामन्यात बटलर बाद झाल्यावर इंग्लंडच्या आशा काहीशा मावळल्या पण स्टोक्सने शेवटपर्यंत तग धरून सामना सुपर ओव्हरमध्ये खेचला गेला. सुपर ओव्हरमध्येही सामना बरोबरीत सुटला, त्यामुळे मूळ सामन्यातील चौकार षटकारांच्या निकषावर इंग्लंडला नवा विश्वविजेता जाहीर करण्यात आले.

IT’S COME HOME!#CWC19Final pic.twitter.com/FCJymt6aAE

— Cricket World Cup (@cricketworldcup) July 14, 2019