IND vs AUS | भारतीय गोलंदाजांची धुलाई | भारताला विजयासाठी हव्यात ३७५ धावा

सिडनी, २७ नोव्हेंबर : यजमान ऑस्ट्रेलियाने पाहूण्या भारतीय संघाचे धमाकेदार स्वागत केले आहे. भारताविरुद्धच्या वनडे मालिकेतील पहिल्या सामन्यात (India Vs Australia First One Day Cricket Match) ऑस्ट्रेलियाने प्रथम फलंदाजी करत ६ बाद ३७५ धावा केल्या आहेत. ऑस्ट्रेलियाकडून कर्णधार एरॉन फिंच आणि स्टीव्ह स्मिथ यांनी शानदार शतकी खेळी केली. तर डेव्हिड वॉर्नरने अर्धशतक केले.

 

View this post on Instagram

 

A post shared by cricket.com.au (@cricketcomau)

कर्णधार फिंचने नाणेफेक (Australian Cricket Team Captain Aaron Finch) जिंकत प्रथम फलंदाजी करण्याचा निर्णय घेतला. प्रदीर्घ काळानंतर पहिल्यांदाच आंतरराष्ट्रीय सामन्यासाठी मैदानावर उतरत असलेल्या भारतीय गोलंदाजांची तयारी या सामन्यातून उघड झाली. सुरुवातीला बुमराह, शमी यांचा नेटाने सामना केल्यानंतर फिंच आणि वॉर्नर (Aaron Finch and Warner) या जोडगोळीने मैदानावर स्थिरावत धावांचा वेग वाढवला. दोन्ही फलंदाजांनी पहिल्या विकेटसाठी १५६ धावांची भागीदारी करत भारतीय गोलंदाजांच्या नाकीनऊ आणले. अखेरीस मोहम्मद शमीने वॉर्नरला माघारी धाडत ऑस्ट्रेलियाची जोडी फोडली. वॉर्नरने ६९ धावा केल्या. वॉर्नर माघारी परतल्यानंतर स्टिव्ह स्मिथने फिंचला उत्तम साथ देत भारताला पुनरागमन करण्याची संधी दिली नाही.

अपरकट मारण्याच्या प्रयत्नात फिंच यष्टिरक्षक लोकेश राहुलच्या हाती झेल देऊन माघारी परतला. फिंचनं १२४ चेंडूंत ९ चौकार व २ षटकारासह ११४ धावा केल्या. मार्कस स्टॉयनिस ( ०) पहिल्याच चेंडूवर चहलच्या गोलंदाजीवर बाद झाला. स्मिथ व फिंच यांनी ३१-४० षटकांत ९५ धावा चोपल्या. या दोघांनी दुसऱ्या विकेटसाठी १०८ धावा जोडल्या.

News English Summary: Hosts Australia have given a rousing welcome to the visiting Indian team. In the first match of the ODI series against India (India Vs Australia First One Day Cricket Match), Australia batted first and scored 375 runs for the loss of six wickets. Australia captain Aaron Finch and Steve Smith scored brilliant centuries. David Warner scored a half-century.

News English Title: India Vs Australia First One Day Cricket Match India got target of 375 runs news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.