भारतीय क्रिकेटर बीफ खातात | रोहित शाकाहारी असल्याने शंका

मेलबर्न, ०३ जानेवारी: मेलबर्नमधील हॉटेलमध्ये जेवण करणं टीम इंडियाच्या 5 खेळाडूंना चांगलंच अंगाशी आलं आहे. टीम इंडियाचे एकूण 5 खेळाडू मेलबर्नमधील हॉटेलमध्ये जेवायला गेले होते. यामध्ये रोहित शर्मा, पृथ्वी शॉ, रिषभ पंत, नवदीप सैनी आणि शुभमन गिलचा समावेश होता. या खेळाडूंनी हॉटेलमध्ये जेवणाचा आस्वाद घेतला. यामध्ये त्यांनी बीफही खाल्ल्याचा दावा केला जातोय. यामुळे खेळाडूंना चांगलंच ट्रोल केलं जात आहे.

भारतीय टीमचे ५ खेळाडू मेलबर्नमधील हॉटेलमध्ये जेवण्यासाठी गेले होते. यावेळी तिथे नवलदीप सिंह नावाचा क्रिकेट चाहता होता. त्याने या खेळाडूंना पाहून फोटो काढण्याची विनंती केली. ही विनंती या खेळाडूंनी मान्य केली. खेळाडूंनी सोबत फोटो काढल्याने नवलदीप खूश झाला. त्याच्या आनंदाला पारावा राहिला नाही. आनंदाच्या भरात नवलदीपने टीम इंडियाच्या 5 खेळाडूंच्या जेवणाचं बिलही भरलं. यानंतर या नवलदीपने जेवणाचं बिल आणि फोटो समाज माध्यमांवर शेअर केले. यामुळे या खेळाडूंचा समाज माध्यमांवर उद्धार करण्यात आला.

हा फोटो व्हायरल झाल्यानंतर ट्वीटरवर रोहित शर्मा आणि बीफचे हॅशटॅग ट्रेंड होऊ लागले आहे. यादरम्यान काही लोकांनी रोहित शर्मा आणि त्याच्या सहकाऱ्यांवर टीका केली. तर काहीजणांनी त्यांना पाठिंबा दिला आहे. दरम्यान, मेलबोर्न येथील एका हॉटेलमध्ये जेवणासाठी गेलेले भारतीय क्रिकेटपटू रोहित शर्मा, ऋषभ पंत, पृथ्वी शॉ, नवदीप सैनी आणि शुभमन गिल या पाच खेळाडूंना पुन्हा एकदा विलगीकरणात ठेवण्यात आले आहे. कोरोना जैवसुरक्षा नियमाचे उल्लंघन केल्यामुळे सर्वांना पुढील चौकशीपर्यंत आयसोलेशनमध्ये ठेवण्यात येईल, असे क्रिकेट ऑस्ट्रेलियाने म्हटले आहे.

News English Summary: Having a meal at a hotel in Melbourne has made 5 players of Team India feel good. A total of five Team India players had gone to dine at a hotel in Melbourne. These included Rohit Sharma, Prithvi Shaw, Rishabh Pant, Navdeep Saini and Shubhaman Gill. These players enjoyed a meal at the hotel. It is claimed that he also ate beef. This makes the players better trolled.

News English Title: Indian cricket team players along Rohit Sharma eat beef in hotel bill goes viral news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.