India VS Bangladesh : भारताचा बांगलादेशवर १८ धावांनी दमदार विजय

पर्थ: आयसीसी महिला टी-२० वर्ल्डकपमध्ये भारताचा विजयी धडाका सुरूच आहे. भारताने आज बांगलादेशला १८ धावांनी मात देत स्पर्धेतील सलग दुसऱ्या विजयाची नोंद केली. या सामन्यातही पूनम यादवने आपल्या फिरकीची जादू दाखवत बांगलादेशच्या फलंदाजांची दाणादाण उडवली. सोळा वर्षीय सलामीवीर शेफाली वर्मा आजच्या सामन्याची मानकरी ठरली. शेफालीने १७ चेंडूत ३९ धावांची तडाखेबंद खेळी केली.

✅ Two wins from two
✅ The two highest totals of the tournament so far

India have made quite the start to their #T20WorldCup campaign 👏#INDvBAN pic.twitter.com/QJdZO7UjJA

— T20 World Cup (@T20WorldCup) February 24, 2020

शफाली वर्मा (३९) आणि जेमिमा रॉड्रीग्ज यांच्या दमदार फलंदाजीच्या जोरावर भारतीय महिला संघाने बांगलादेशला १४३ धावांचे आव्हान दिले होते. या आव्हानाचा पाठलाग करणे बांगलादेशी फलंदाजांना शक्य झाले नाही. पूनम यादवचे ३ बळी आणि तिला शिखा पांडे, अरूंधती रेड्डी यांनी दिलेली साथ याच्या बळावर भारताने बांगलादेशला ८ बाद १२४ धावांवरच रोखले आणि स्पर्धेतील सलग दुसरा सामना जिंकला.

बांगलादेशने नाणेफेक जिंकत भारताला प्रथम फलंदाजीसाठी पाचारण केले. यावेळी भारताला दुसऱ्या षटकात पहिला धक्का बसला. पण त्यानंतर शेफाली आणि जेमिमा यांनी दमदार फलंदाजी करत भारताला अर्धशतक पूर्ण करून दिले. पण या दोघींनाही अर्धशतक झळकावण्यात अपयश आहे.

News English Summery: The Indian women’s team defeated Bangladesh by 18 runs. The Bangladeshi batsmen could not afford to chase a 143 run challenge by the Indian women’s team to Bangladesh. India restrained Bangladesh by 8 for 124 and won their second consecutive match.

Web Title: Story ICC Womens T20 World Cup India won against Bangladesh by 18 Runs.