नवनीत राणा आणि अडसूळ यांच्यातील जात प्रमाणपत्र वाद वाढल्याने अडसूळ रडारवर? | काय आहे प्रकरण

अमरावतीच्या खासदार नवनीत राणा आणि माजी खासदार आनंदराव अडसूळ यांच्यात मागील सात वर्षांपासून राजकीय द्वंद सुरू आहे. २०१४ च्या लोकसभा निवडणुकीपासून सुरू झालेला या दोन राजकीय नेत्यांमधील हा संघर्ष अजूनही कायम आहे. दरम्यान मुंबईतील सिटी बँक प्रकरणी माजी खासदार आनंदराव अडसूळ यांच्या मुंबईस्थित निवासस्थानी ईडीचे पथक सोमवारी गेले व पथकाने अडसुळांची चौकशी केली. त्यानंतर अडसूळ यांना प्रकृती अस्वस्थामुळे रुग्णालयात दाखल करण्यात आले आहे. दरम्यान, या प्रकरणाला सुध्दा राणा आणि अडसूळ यांच्यातील राजकिय संघर्षाची किनार असल्याची जोरदार चर्चा सर्वसामान्यांमध्ये आज पुन्हा एकदा सुरू झाली आहे.