Aristo BioTech IPO | हा IPO ग्रे मार्केटमध्ये तुफान वेगात, आज गुंतवणुकीसाठी शेवटचा दिवस, डिटेल वाचा

Aristo BioTech IPO | ‘अरिस्टो बायोटेक अँड लाइफ सायन्सेस लिमिटेड’ या कृषी क्षेत्रात व्यवसाय करणाऱ्या कंपनीचा IPO 16 जानेवारी 2023 रोजी गुंतवणुकीसाठी खुला करण्यात आला आहे. आज गुरूवार दिनांक 19 जानेवारी 2023 रोजी या IPO ची मुदत संपणार आहे. या कंपनीचा स्टॉक NSE इमर्ज प्लॅटफॉर्मवर सूचीबद्ध केला जाईल. कंपनीने आपल्या IPO मध्ये शेअरची किंमत 72 रुपये प्रति शेअर निश्चित केली आहे. आतपर्यंत या कंपनीचा IPO 9.41 पट अधिक सबस्क्राईब झाला आहे. किरकोळ गुंतवणूकदारांसाठी राखीव ठेवण्यात आलेला कोटा 15.38 पट अधिक सबस्क्राईब झाला आहे. तर गैर- संस्थात्मक गुंतवणूकदारांसाठी राखीव ठेवण्यात आलेला कोटा अवघ्या दोन दिवसांत 3.45 पट अधिक सबस्क्राईब झाला आहे.