नितीश कुमार यांनी भाजपाकडून महाराष्ट्राचा आनंद हिरावून घेतला, उत्तर भारतातून भाजपचा 2024 मधील मार्ग अत्यंत अवघड

राष्ट्रीय लोकशाही आघाडीपासून (एनडीए) फारकत घेतल्यानंतर नितीशकुमार यांनी भारतीय जनता पक्षाकडून महाराष्ट्रात पुन्हा सत्ता मिळविण्याचा आनंद हिरावून घेतला आहे. तसेच बिहारमधून भाजपाला अत्यंत तगडे आव्हान दिले आहे. बिहार हे तेच राज्य आहे जिथे २०१९ च्या लोकसभा निवडणुकीत एनडीएने ४० पैकी ३९ जागा जिंकल्या होत्या. भाजपचे राष्ट्रीय अध्यक्ष जेपी नड्डा यांच्या स्थानिक पक्षाच्या अस्थित्वावर भाष्य केल्याने बिहारच्या प्रत्येक कोपऱ्यात बिहारी आत्मसन्मान जाग झाल्याने नितीश कुमार आणि तेजस्वी यादव यांना प्रचंड समर्थन मिळालं आहे. त्यामुळे २०२४ मध्ये लोकसभेत भाजपचा सुपडा साफ होईल असं स्थानिक अनुभवी पत्रकार सांगत आहेत. याचे परिणाम पूर्वांचल मध्ये देखील दिसतील असे राजकीय तज्ज्ञ सांगत आहेत.