महत्वाच्या बातम्या

• 

  रावसाहेब दानवेंना पैशांची मस्ती आलीये, बच्चू कडू संतापले

  रावसाहेब दानवेंना पैशांची मस्ती आली आहे आणि आपण काय बोलतो आहोत हे त्यांना कळत नाही, अशा कठोर शब्दात आमदार बच्चू कडू यांनी रावसाहेब दानवे यांच्यावर टीका केली आहे. दानवे हे भाजपचे प्रदेशाध्यक्ष कसे आहेत? तेच मला कळत नाही. त्यांना या निवडणुकीत आपण उत्तर जरूर देणार…, असं कडू म्हणाले. शेतकऱ्यांसाठी चुकीची भाषा वापरूनही त्यांच्यावर कारवाई केली जात नाही. आपण काय बोलावं याचं भान असलं पाहिजे, असंही बच्चू कडू यावेळी म्हणाले.

  6 वर्षांपूर्वी
• 

  जमली नाही गर्दी म्हणून सभा लवकर आटोपली... रावसाहेब दानवेंना कार्यकर्त्यांची पाठ

  #ApnaBoothSabseMajboot भाजपचे राष्ट्रीय अध्यक्ष अमित शहा यांच्या उपस्थितीत सांगलीमध्ये भाजपचा संवाद संघटन मेळावा होणार होता. मात्र अमित शहांच्या अनुपस्थितीमुळे नाराज झालेले भाजप कार्यकर्ते व बुथ प्रमुखांनी प्रदेशाध्यक्ष रावसाहेब दानवे उपस्थित असतानादेखील मेळाव्याकडे पाठ फिरवली. खासदार, चार आमदार, जिल्हा परिषद, महानगरपालिका, नगरपालिका, पंचायत समित्या आदी असूनदेखील जाहीर केल्याप्रमाणे पाच हजार कार्यकर्तेदेखील भाजप नेत्यांना जमा करता आले नाहीत. मोकळ्या खुर्च्या पाहून प्रदेशाध्यक्ष दानवे यांनी आपले भाषण आटोपते घेत काढता पाय घेतला.

  6 वर्षांपूर्वी
• 

  अफझल खान सरकारला अजून ५ वर्ष देऊन बघू - उद्धव ठाकरे एवढे का नरमले?

  स्वतःला शिव-शंभूंचे अवतार मानून अफझल खानाचा कोथळा बाहेर काढण्याची भाषा करणारे पूर्वीचे उद्धव ठाकरे आणि सध्या भाजपच्या हातात हात घालून त्यांचे गोडवे गाणारे उद्धव ठाकरे हे मराठी माणसांना रुचण्यासारखं नक्कीच नाही. उद्धव ठाकरेंनी युतीची घोषणा करताच भाजप पुढे शड्डू ठोकून उभा असलेला सामान्य शिवसैनिक मात्र मातोश्री आदेशानंतर बुचकाळ्यात पडला आहे. सामान्य शिवसैनिकांना बाळासाहेबांची शपथ देऊन आणि वचन घेऊन उद्धव ठाकरेंनी स्वबळाचा शंख वाजवला खरा परंतु असे काय नेमके घडले कि त्यांना भाजप सोबत युती करावी लागली?

  6 वर्षांपूर्वी
• 

  मोदींनी पाकशी चर्चेची संधी सोडू नये, राज ठाकरेंचे आवाहन - सविस्तर वृत्त

  राज ठाकरेंनी त्यांच्या अधिकृत फेसबुक पेज वर जारी केलेल्या परिपत्रकात असे म्हटले आहे कि, जर पाकिस्तान पंतप्रधान इम्रान खान यांनी चर्चेचे निमंत्रण दिले आहे तर त्यांनी ताबडतोब भारतीय वैमानिक अभिनंदन यांना भारतात परत पाठवावे आणि बॉर्डरवर होणारा गोळीबार थांबवावा. म्हणजेच आपण खरंच शांततेच्या मार्गाने हा विषय सोडवण्याच्या मानसिकतेत आहेत हे स्पष्ट होईल.

  6 वर्षांपूर्वी
• 

  सेनेला भगदाड पाडून अर्जुन खोतकर काँग्रेसमधून दानवेंच्या विरोधात लोकसभेच्या आखाड्यात?

  आगामी लोकसभा निवडणुकीच्या अनुषंगाने भाजप आणि शिवसेनेत युती झाली खरी, परंतु आता ही युती शिवसेनेच्या अंगलट येण्यास सुरुवात झाली आहे. शिवसेनेतून थेट मंत्री पदावर असलेले नेतेच फुटण्यास सुरुवात झाली आहे. युतीची घोषणा झाल्यानंतर मंत्री अर्जुन खोतकर यांनी युती झाली तरी लोकसभा निवडणुकीत रावसाहेब दानवेंच्या विरोधात रणशिंग फुंकणार असल्याचे सूचित केले होते. परंतु त्यानंतर शिवसेना पक्षप्रमुख उद्धव ठाकरे यांनी अर्जुन खोतकर यांना भेट नाकारली होती. त्यानंतर अर्जुन खोतकर देखील संतापल्याचे समजते.

  6 वर्षांपूर्वी
• 

  आली रे आली लोकसभेआधी बाजारात "मोदी साडी" आली

  आली रे आली लोकसभेआधी बाजारात “मोदी साडी” आली

  6 वर्षांपूर्वी
• 

  मनसेचे नितीन नांदगावकरांच्या तडिपारीमागे आकृती बिल्डर?

  महाराष्ट्र नवनिर्माण सेनेचे सरचिटणीस नितीन नांदगावकर यांनी आकृती बिल्डरच्या सायन प्रतीक्षा नगर येथील SRA ट्रान्झिट कॅम्पची दयनीय अवस्था आणि अपात्र ठरवण्यात आलेल्या तब्बल १३७ मराठी कुटुंबीयांचं वास्तव समोर आणलं. त्यात कहर म्हणजे या ट्रान्झिट कॅम्पमध्ये वास्तव्यास असलेल्या १३७ कुटुंबियांच्या घरातील वीज आणि पाणीपुरवठा देखील सदर बिल्डरने काढून घेतला आहे. संबंधित मराठी कुटुंबीय अपात्र आहेत किंवा नाही याचा कोणताही अधिकृत निकाल लागण्यापूर्वीच त्यांना मूलभूत सुविधांपासून दूर करून मानसिक त्रास देण्यास सुरुवात केली आहे. त्यामुळे नितीन नांदगावकर यांनी सामान्य मराठी माणसाच्या हक्कांसाठी आकृती बिल्डरला धडा शिकवण्याचा मानस केला होता.

  6 वर्षांपूर्वी
• 

  युतीच्या काही दिवस आधी देवेंद्र फडणवीसांनी उद्धव ठाकरेंचा केलेला शाब्दिक सम्मान - युतीया

  युतीच्या काही दिवस आधी देवेंद्र फडणवीसांनी उद्धव ठाकरेंचा केलेला शाब्दिक सम्मान – युतीया

  6 वर्षांपूर्वी
• 

  महाराष्ट्र महापरिवर्तन कार्यक्रमामध्ये मुख्यमंत्र्यांचे भाषण

  महाराष्ट्र महापरिवर्तन कार्यक्रमामध्ये मुख्यमंत्र्यांचे भाषण

  6 वर्षांपूर्वी
• 

  निवेदन कसे स्वीकारावे माहित नसलेल्या तावडेंकडून प्रियंका गांधींची शूर्पणखेशी तुलना

  सध्या प्रियांका गांधी सक्रिय राजकारणात उतरल्याने भारतीय जनता पक्षाचे नेते बिथरल्यासाखे दिसत आहेत. कारण तशाच काहींच्या प्रतिक्रिया भाजप नेते मंडळी आणि मंत्र्यांकडून येऊ लागल्या आहेत. राज्याचे सांस्कृतिक आणि शिक्षण मंत्री विनोद तावडे यांचे नुकतेच काही फोटो समाज माध्यमांवर व्हायरल झाले होते. त्यामध्ये भेटीसाठी आलेल्या सामान्य लोकांकडून ते कशा प्रकारे आणि रुबाबात निवेदनं स्वीकारतात त्याचा प्रत्यय आला होता.

  6 वर्षांपूर्वी
• 

  काय स्टाईलमध्ये! महाराष्ट्राच्या सांस्कृतिक मंत्र्यांची निवेदन स्वीकारण्याची नवी संस्कृती

  राज्याच्या जवाबदार मंत्र्यांची अनेक असंस्कृत प्रकरणं समोर आल्याचे पहिले आहे. परंतु, विषय तेव्हाच गंभीर होतं जेव्हा राज्याचे सांस्कृतिक मंत्री स्वतःच्या असंस्कृत वागण्याचं सार्वजनिकरित्या प्रदर्शन मांडतात. सामान्य माणूस देखील एखाद्याची हात मिळवताना सुद्धा उभा राहून सभ्यतेचे दर्शन घडवतो.

  6 वर्षांपूर्वी
• 

  पुण्यात हेल्मेट सक्ती; आंदोलनकर्त्यांनी भाजप आमदार मेधा कुलकर्णींना हुसकावून लावले

  पुण्यातील महात्मा फुले मंडई येथे शहरात लागू करण्यात आलेल्या हेल्मेट सक्तीच्या निषेधार्थ घंटानाद आंदोलन छेडण्यात आले होते. दरम्यान, यावेळी भारतीय जनता पक्षाच्या आमदार मेधा कुलकर्णी सुद्धा उपस्थित होत्या. काही वेळाने आंदोलनकर्त्यांनी पुण्याचे पालकमंत्री गिरीश बापट यांच्या विरोधात घोषणाबाजी करण्यास सुरुवात करताच, उपस्थित आमदार मेधा कुलकर्णी यांनी पालकमंत्री तुमच्या सोबत आहेत, असं आंदोलनकर्त्यांना सांगण्याचा प्रयत्न केला. परंतु, त्या संवाद साधत असताना आंदोलनकर्ते काहीही ऐकण्याच्या मनस्थितीत नसल्याने त्यांनी मेधा कुलकर्णी थेट इथे दादागिरी करू नका, अशी घोषणाबाजी करत थेट हुसकावून लावले.

  6 वर्षांपूर्वी
• 

  सेना, भाजप की काँग्रेस? लोकसभेनंतर 'या' विधानसभा क्षेत्रातील चित्र स्पष्ट होणार

  सध्या अंधेरी पूर्वेचा हा विधानसभा मतदारसंघ शिवसेनेच्या खात्यात आहे. शिवसेनेचे रमेश लटके येथील विद्यमान आमदार आहेत. सदर मतदारसंघाचा समावेश असलेल्या उत्तर पश्चिम लोकसभा मतदारसंघातून लोकसभेसाठी काँग्रेसकडून संजय निरुपम किंवा सुरेश शेट्टी यांच्यापैकी एकाला उमेदवारी मिळणार हे निश्चित आहे. त्यामुळे आगामी लोकसभा निवडणुकीनंतर विधानसभेचं चित्र कोणाच्या बाजूने आहे याचा अंदाज येईल. या मतदारसंघात मराठी, उत्तर भारतीय, मुस्लिम आणि ख्रिश्चन समाजाचा सारखाच प्रभाव असल्याने हा मतदार संघ काहीसा मिश्र म्हणून परिचित आहे. कोणत्याही एकाच समाजाच्या मतांवर येथे निवडून येणे जवळपास अशक्य आहे. त्यामुळे याच लोकसभा क्षेत्रातील या महत्वाच्या विधानसभा क्षेत्रात लढाई खूपच अटीतटीची ठरणार आहे हे निश्चित.

  6 वर्षांपूर्वी
• 

  मलकापूर नगरपालिकेत पृथ्वीबाबांनी भाजपला लोळवलं

  राज्याचे माजी मुख्यमंत्री पृथ्वीराज चव्हाण आणि भारतीय जनता पक्षाचे नेते अतुल भोसले यांची राजकीय प्रतिष्ठा पणाला लागलेल्या मलकापूर नगरपरिषदेच्या मतमोजणीला सकाळी सुरुवात झाली. परंतु, मतदानानंतरचे प्राथमिक कल पाहता काँग्रेस आणि भारतीय जनता पक्षात घमासान होण्याची शक्यता वर्तविण्यात आली होती.

  6 वर्षांपूर्वी
• 

  नाशिक प्रवेशद्वार; तत्कालीन प्रकल्प मनसेचा, त्यावर जल्लोष भाजपचा? सविस्तर

  फडणवीसांच्या भाजपने दत्तक घेतलेल्या नाशिकमध्ये अजून एका स्मार्ट जल्लोषाची तयारी सुरु केल्याचे वृत्त आहे. याआधी सुद्धा स्मार्ट सिटीच्या नावाने मनसेच्या सत्ताकाळातील प्रकल्प स्वतःचे असल्याचे भास निर्माण करणारी ‘स्मार्ट’ नाशिक भाजप अजून एका स्मार्ट प्रदर्शनाच्या तयारीत असल्याचे वृत्त आहे.

  6 वर्षांपूर्वी
• 

  आमच्या सरकारमुळे उत्तर भारतीयांना धमकावण्याचे प्रकार बंद: फडणवीस

  युपी ही जन्मभूमी असलेल्या प्रभू रामचंद्रांनी त्यांच्या वनवासातील चौदा वर्षे नाशिकच्या पंचवटीत व्यतीत केली. त्यामुळे यूपी आणि महाराष्ट्राचे हजारो वर्षांचे ऋणानुबंध आहेत. तसेच राज्याची राजधानी असलेल्या मुंबईच्या विकासात उत्तर भारतीय समाजाचे मोठे योगदान आहे. यापूर्वीच्या सरकारच्या काळात उत्तर भारतीयांना धमकावण्याचे प्रकार वारंवार घडत. मात्र, मागील साडेचार वर्षे आमच्या सरकारच्या कामगिरीमुळे त्यांना कोणी सुद्धा धमकावले नाही, असा दावा राज्याचे मुख्यमंत्री देवेंद्र फडणवीस यांनी उत्तर भारतीयांच्या मेळाव्यात केला.

  6 वर्षांपूर्वी
• 

  दरवाढीचा झटका! वीजदर प्रति युनिटमागे ५० ते ६० पैशांनी वाढणार

  आधीच वीजदरवाढीमुळे हैराण असलेल्या वीजग्राहकांवर आता नव्या पर्यावरण नियमांचा भार पडणार आहे. दरम्यान, पर्यावरण रक्षणासाठी आता औष्णिक वीजनिर्मिती प्रकल्पांना नव्या सुसज्य यंत्रणा बसवाव्या लागणार आहेत. तसेच संबंधित प्रकल्पातून मोठ्या प्रमाणावर बाहेर पडणाऱ्या राखेच्या वाहतुकीचा बोजाही यंत्रणांवर पडणार असल्याने प्रति युनिट पन्नास ते साठ पैशांची वीजदरवाढ होणार आहे.

  6 वर्षांपूर्वी
• 

  अमृता फडणवीस यांच्या उपस्थितीत अंधेरी पूर्व भाजपकडून मराठी सांस्कृतिक कार्यक्रमांचे आयोजन

  भारतीय जनता पक्षाचे अंधेरी पूर्व येथील कार्यसम्राट नगरसेवक मुरजी पटेल, नगरसेविका केसरबेन पटेल आणि त्याची समाजसेवी संस्था ‘जीवन ज्योत प्रतिष्ठान’ यांच्या सहकार्यातून भव्य मराठी सांस्कृतिक कार्यक्रमांचे आयोजन करण्यात आले होते. मुख्यमंत्री देवेंद्र फडणवीस यांच्या पत्नी अमृता फडणवीस यांची या कार्यक्रमाला प्रमुख पाहुण्या म्हणून विशेष उपस्थिती होती.

  6 वर्षांपूर्वी
• 

  मंत्री गिरीश बापट यांच्याकडून कर्तव्यात कसूर आणि मंत्रीपदाचा गैरवापर: न्यायालय

  राज्याचे अन्न नागरी पुरवठा मंत्री गिरीश बापट यांनी त्यांच्या कर्तव्यात कसूर केल्याचे ताशेरे मुंबई हायकोर्टाच्या औरंगाबाद खंडपीठानं ओढले आहेत. सेवाप्रदान करताना दोषी ठरलेल्या स्वस्त धान्य पुरवठादाराला परवाना बहाल केल्याप्रकरणी कोर्टाने तीव्र नाराजी व्यक्त केली आहे. २०१६च्या मधील एका प्रकरणात तत्कालीन तहसीलदार आणि पुरवठा अधिकाऱ्यांनी काही स्वस्त धान्यांच्या दुकानांची चौकशी करुन देखील मोठ्या प्रमाणावर सरकारी नियमांची पायमल्ली केल्याचा ठपका ठेवला होता.

  6 वर्षांपूर्वी
• 

  भाजप नेत्याने पैसे घेऊन सुद्धा नोकरी न दिल्याने तरुणाची अखेर आत्महत्या

  भारतीय जनता पक्षाचे नेते आणि लोकविकास सहकारी बॅंकेचे संस्थापक जे.के. उर्फ जगन्नाथ खंडेराव जाधव यांच्या विरोधात तरुणाला आत्महत्येस प्रवृत्त केल्याप्रकरणी गंभीर गुन्हा दाखल करण्यात आला आहे. कृष्णा ऊर्फ किशोर रतन चिलघर या तरुणाच्या आत्महत्येप्रकरणी सदर गंभीर गुन्हा दाखल करण्यात आला असून मृत तरुण हा जाधव यांच्याकडे चालक म्हणून तात्पुरत्या कामाला होता.

  6 वर्षांपूर्वी