Brahmastra Opening Record | 'ब्रह्मास्त्र' सिनेमाला प्रेक्षकांचा प्रचंड प्रतिसाद, पहिल्याच दिवशी 37 कोटींचा व्यवसाय, विकेंड विक्रम मोडणार

Brahmastra Opening Record | 2022 साली बॉलिवूडने तोट्यात चाललेल्या बॉक्स ऑफिसवर आपलं ब्रह्मास्त्र चालवलेलं दिसतंय. मिक्स्ड रिव्ह्यूनंतरही रणबीर कपूर आणि आलिया भट्ट स्टारर आणि फिल्ममेकर अयान मुखर्जीचा ड्रीम प्रोजेक्ट ब्रह्मास्त्रबद्दल प्रेक्षकांमध्ये जबरदस्त क्रेझ आहे. बॉलिवूडशी संबंधित वेगवेगळ्या वेबसाईटच्या रिपोर्टनुसार, या सिनेमाने पहिल्याच दिवशी 37 कोटींपेक्षा जास्त बिझनेस केला आहे. त्याचबरोबर शनिवार आणि रविवारी अॅडव्हान्स बुकिंग किंवा तिकीट विक्रीचा ट्रेंड या 2 दिवसांत चित्रपटाची कमाई आणखी वाढणार असल्याचं स्पष्ट झालं आहे. सध्या ब्रह्मास्त्रने कमाईचे अनेक विक्रम पहिल्याच दिवशी मोडीत काढले. आणखी विक्रम आणखी मोडता येतील.