Cyrus Mistry | टाटा सन्सचे माजी अध्यक्ष सायरस मिस्त्री यांचं पालघर येथे रस्ते अपघातात निधन

Cyrus Mistry | टाटा समूहाचे माजी अध्यक्ष सायरस मिस्त्री यांचे रविवारी मुंबईजवळील पालघर येथे रस्ते अपघातात निधन झाले. मिस्त्री हे मर्सिडीज कारमधून अहमदाबादहून मुंबईला जात होते. मिस्त्री अहमदाबादहून मुंबईला जात असताना दुपारी सव्वातीनच्या सुमारास हा अपघात झाला. सूर्या नदीवरील पुलावर हा अपघात झाला. पोलिसांनी दिलेल्या माहितीनुसार, हा अपघात असल्याचं दिसत आहे. कारचालकासह त्याच्यासोबत प्रवास करणारे अन्य दोघे जखमी झाले. सर्व जखमींना गुजरातमधील रुग्णालयात दाखल करण्यात आले आहे. मिस्त्री यांच्या पश्चात पत्नी आणि दोन मुले आहेत.