Eureka Forbes Share Price | कमाई जोमात! युरेका फोर्ब्स शेअरने 5 दिवसात 26 टक्के परतावा दिला, तुम्ही सुद्धा अल्पावधीत कमाई करणार का?

Eureka Forbes Share Price | युरेका फोर्ब्स कंपनीचे शेअर्स बुधवारच्या ट्रेडिंग सेशनमध्ये तेजीमध्ये ट्रेड करत होते. आज युरेका फोर्ब्स स्टॉकमध्ये किंचित विक्रीचा दबाव पाहायला मिळत आहे. काल हा स्टॉक बीएसई इंडेक्सवर इंट्रा-डे ट्रेडमध्ये 14 टक्क्यांच्या वाढीसह 516.95 रुपये या आपल्या तीन महिन्यांच्या उच्चांक किंमत पातळीवर ट्रेड करत होता. त्याच वेळी हा शेअर मागील पाच दिवसात 26.44 टक्के वाढला आहे. युरेका फोर्ब्स कंपनीच्या शेअरमध्ये ही तेजी उत्कृष्ट तिमाही निकाल जाहीर केल्याने पहायला मिळत आहे. आज गुरूवार दिनांक 1 जून 2023 रोजी या कंपनीचे शेअर्स 2.54 टक्के घसरणीसह 483.00 रुपये किमतीवर ट्रेड करत आहेत.