Fortified Rice | कोणतही वैज्ञानिक संशोधन न करता मोदी सरकार देशातील 80 कोटी लोकांना अत्यंत हानिकारक फोर्टिफाइड तांदूळ वाटप करतंय?

Fortified Rice | देशातील कोट्यवधी जनतेच्या आरोग्याशी मोदी सरकार खेळत असल्याचा आरोप काँग्रेसने केला आहे. देशातील सुमारे ८० कोटी जनतेला सरकार जे फोर्टिफाइड तांदूळ वाटप करत आहे, ते अनेकांसाठी अत्यंत हानिकारक ठरू शकते, असा पक्षाचा आरोप आहे. हा तांदूळ खाणे अनेक आजारांनी ग्रस्त लोकांच्या आरोग्यासाठी घातक ठरू शकते, असा आरोप काँग्रेसने केला आहे, तर मोदी सरकारने कोणतेही वैज्ञानिक संशोधन न करता देशभरात फोर्टिफाइड तांदूळ वितरित करण्याचा निर्णय घेतला आहे. मोदी सरकारच्या या निर्णयाचा नेदरलँड्समधील एका कंपनीशी संबंध असल्याचा आरोपही काँग्रेसने केला आहे.