Cough Syrup Alert | तुमच्या घरात लहान मुलांसाठी या 4 कफ सिरपचा वापर होतोय का?, 66 मुलांचा मृत्यू, WHO'चा इशारा

Gambia Cough Syrup Deaths | जागतिक आरोग्य संघटनेने (डब्ल्यूएचओ) गांबियामध्ये ६६ मुलांचा मृत्यू आणि मूत्रपिंडाचे गंभीर नुकसान होण्याची शक्यता असलेल्या एका भारतीय फार्मास्युटिकल कंपनीच्या चार औषधांविरूद्ध अलर्ट जारी केला आहे. डब्ल्यूएचओचे महासंचालक टेड्रोस अधानोम घेब्रेयेसस यांनी सांगितले की, ही चार औषधे भारतीय कंपनी मेडन फार्मास्युटिकल्स लिमिटेडने बनवलेली सर्दी आणि कफ सिरप आहेत. त्याचबरोबर अर्थमंत्रालयातील सूत्रांचा हवाला देत रॉयटर्सने दिलेल्या माहितीनुसार, आता केंद्र सरकार या प्रकरणाची चौकशी करणार असल्याची माहिती आहे. डब्ल्यूएचओ कंपनी आणि भारतातील नियामक प्राधिकरणांची अधिक चौकशी करीत आहे.