Gas Price Hike | सणासुदीला महागाईचा फटका, CNG आणि स्वयंपाकाच्या गॅसचे दर वाढण्याची शक्यता, नॅचरल गॅस दर 40 टक्क्यांनी वाढले

Gas Price Hike | जागतिक पातळीवरील ऊर्जा दरात वाढ होत असताना शुक्रवारी नैसर्गिक वायूच्या किमतीत ४० टक्क्यांनी वाढ होऊन विक्रमी पातळीवर पोहोचला. यामुळे देशात पुन्हा एकदा सीएनजी ते पीएनजीचे दर वाढण्याची शक्यता वर्तवली जात आहे. यामुळे वीजनिर्मिती, खतनिर्मिती आणि वाहन चालविण्यात वापरण्यात येणारा गॅस महाग पडू शकतो. तेल मंत्रालयाच्या पेट्रोलियम प्लॅनिंग अँड अॅनालिसिस सेलने (पीपीएसी) जारी केलेल्या आदेशानुसार, जुन्या गॅस क्षेत्रातून तयार होणाऱ्या गॅससाठी दिला जाणारा दर सध्याच्या ६.१ डॉलर प्रति दशलक्ष ब्रिटिश थर्मल युनिट (एमबीटीयू) वरून ८.५७ डॉलर प्रति एमबीटीयू करण्यात आला आहे.