गौप्यस्फोट! अदानी ग्रुपमधील सगळा पैसा पंतप्रधान नरेंद्र मोदी यांचा, दिल्ली विधानसभेत मुख्यमंत्री केजरीवाल यांचा खळबळजनक दावा

Adani Group Shares | दिल्लीचे मुख्यमंत्री आणि आम आदमी पक्षाचे संयोजक अरविंद केजरीवाल यांनी पंतप्रधान नरेंद्र मोदींवर आणखी एक मोठा आरोप करताना मोठा गौप्यस्फोट केला आहे. काल म्हणजे मंगळवारी, 28 मार्च रोजी अरविंद केजरीवाल यांनी दावा केला की अदानी समूहात गुंतवलेले सर्व पैसे पंतप्रधान मोदींचे आहेत. भाजपमधील एका मोठ्या नेत्याने स्वतः मला या गंभीर विषयाची माहिती दिली आहे. भाजपने ७ वर्षांत देशाची प्रचंड लूट केली आहे. तोच पैसा नरेंद्र मोदी अदानी समूहात गुंतवत असल्याचा खळबळजनक दावा त्यांनीदिल्ली विधानसभेत केला आहे.