Gold Bond Scheme | तुम्हाला स्वस्त सोनं खरेदीची संधी मिळणार, जाणून घ्या कधीपर्यंत गुंतवणूक करू शकाल

जर तुम्ही बाजारभावापेक्षा स्वस्त सोनं खरेदी करण्याच्या विचारात असाल तर ही बातमी तुमच्या उपयोगाची आहे. रिझर्व्ह बँक ऑफ इंडियाने (आरबीआय) सॉव्हरेन गोल्ड बाँड विक्रीच्या दुसऱ्या सीरिजच्या योजना जाहीर केल्या आहेत. सार्वभौम सुवर्ण रोखे खरेदी करण्याची विंडो 22 ऑगस्ट 2022 ते 26 ऑगस्ट 2022 पर्यंत खुली असेल. आरबीआय ग्राहकांना दोन वेळा सॉव्हरेन गोल्ड बाँड खरेदी करण्याची संधी देत आहे. रिझर्व्ह बँक ही योजना ‘सॉव्हरेन गोल्ड बाँड स्कीम २०२२-२३’च्या सिरीज २ अंतर्गत आणणार आहे. रोखे खरेदीची पहिली मालिका २० जून २०२२ ते २३ जून २०२२ या कालावधीत खुली होती.