लोकसभा २०२४ | रावसाहेब दानवे यांना पराभूत करण्यासाठी हर्षवर्धन जाधव यांची तयारी

मराठवाड्यातील सर्वाधिक चर्चेत असणारं म्हणजे कन्नडचे माजी आमदार हर्षवर्धन जाधव असंच म्हणावं लागेल. तेच हर्षवर्धन जाधव पुन्हा सक्रिय झाले आहेत आणि ते सुद्धा भाजपचे नेते रावसाहेब दानवे यांच्या विरोधातच असं दिसतंय. कन्नड विधानसभा मतदारसंघाचे माजी आमदार हर्षवर्धन जाधव आणि केंद्रीय मंत्री रावसाहेब दानवे यांच्यातील वाद अधिक पेटण्याची शक्यता आहे. कारण, हर्षवर्धन जाधव यांनी आता थेट जालना लोकसभा मतदारसंघातून निवडणूक लढवण्याचे संकेत दिले आहेत.