Loksabha 2024 | संपूर्ण बिहार एकवटला! प्रदेश में दिखा, देश में दिखेगा नारा देत नितीशकुमार दिल्लीपासून देशभर भेटीगाठी घेणार

Loksabha Mission 2024 | बिहारचे मुख्यमंत्री नितीशकुमार यांनी एनडीएशी नुकतेच संबंध तोडल्यानंतर अचानक भारतीय जनता पक्षावर तोंडसुख घेतले आहे. इतकंच नाही तर त्यांनी मिशन-2024 देखील सुरु केलं आहे. अलिकडेच तेलंगणाचे मुख्यमंत्री के. चंद्रशेखर राव यांनी पाटणा येथे भेट दिली होती आणि दोघांनी संयुक्त पत्रकार परिषदही घेतली होती. आता अशी बातमी समोर येत आहे की, नितीश कुमार मिशन-2024 साठी आणि स्वत: ला प्राथमिक स्तरावर लॉन्च करण्यासाठी पुढील आठवड्यात दिल्लीला जाऊ शकतात. पाटणा येथे पक्षाच्या राष्ट्रीय कार्यकारिणी आणि परिषदेच्या बैठकीनंतर मुख्यमंत्री पुढील आठवड्यात बिहारबाहेर जाऊन मिशनला धार देतील, असे जनता दल-युनायटेडच्या (जद-यू)च्या एका ज्येष्ठ नेत्याने म्हटले आहे.