ग्रामपंचायत निवडणुकीत आतापर्यंत महाविकास आघाडी सरस, 3235 ग्रामपंचायतींवर विजय, तर भाजप-शिंदे गटाच्या युतीला 3153 जागा

Gram Panchayat Election Results | राज्यात आज 7 हजार 682 ग्रामपंचायतींच्या निवडणुकीचा निकाल लागला. त्यामध्ये ताजी अपडेट्स येईपर्यंत भाजपने एकूण 2102 ग्रामपंचायतींवर विजयी पताका फडकवत पहिला क्रमांक पटकावला आहे. तर राष्ट्रवादीने 1448 ग्रामपंचायतींवर वर्चस्व मिळवलं आहे. शिंदे गटाने ठाकरे गटापेक्षा जास्त ग्रामपंचायती ताब्यात घेतल्या आहेत. एकूण ७७५१ जागांपैकी 7669 जागांचे निकाल जाहीर झाले आहेत. त्यानुसार महाविकास आघाडी 3235 ग्रामपंचायती जिंकत सरस ठरली आहे, तर युतीला एकूण 3153 जागा मिळाल्या आहेत. राज्यातील ग्रामपंचायती निवडणुकीसाठी रविवारी मतदान झालं होतं, आज त्याचा निकाल जाहीर झाला.