अजून किती तक्रारी करायच्या? पुण्यात मनसे कार्यकर्त्यांच्या तात्यांनी पक्ष सोडावा यासाठीच वरिष्ठांकडून लाबिंग? लाव्हा फुटणार?

MNS Leader Vasant More | आगामी महानगरपालिका निवडणुकीच्या अनुषंगाने महाराष्ट्र नवनिर्माण सेनेचे अध्यक्ष राज ठाकरे हे आज मुंबईत गटाध्यक्षांचा मेळावा घेऊन मार्गदर्शन करणार आहेत. दुसरीकडे मनसेसाठी महत्वाच्या असलेल्या पुणे शहरात मात्र जमिनीवरील आणि लोकांशी जोडल्या गेलेल्या पदाधिकाऱ्यांच राजकीय खच्चीकरण राज ठाकरेंच्या जवळील नेतेच करत असल्याचं खात्रीलायक वृत्त आहे. त्यापैकी पुण्यातील एक नेता हा राज ठाकरेंशी अत्यंत जवळीक असलेला असून त्या नेत्याचा सामान्य लोकांशी कोणताही संबंध नाही अशी माहिती आहे. राज ठाकरेंना भाषणावेळी काही राहून गेल्यास मागून चिठ्य्या पोचवताना या नेत्याला अनेकांनी पाहिला असेल. तसेच पुण्यात पक्ष विस्तार किंवा पक्ष संघटनेच्या बळकटीशी या नेत्याचा काडीचाही संबंध नसतो असं स्थानिक कार्यकर्ते सांगत आहेत.