नवी मुंबईत करोनाबाधित महिलेचा मृत्यू; कारण अजून निश्चित नाही

वाशी येथे एका खासगी रुग्णालयात उपचार घेत असलेल्या एका महिलेचा आज मृत्यू झाला. मात्र, या महिलेच्या मृत्यूचं कारण गुलदस्त्यात आहे. या महिलेचा मृत्यू करोनाने झाला की अन्य कारणाने याचा तपास केला जात असल्याचं आरोग्य विभागाकडून सांगितलं जात आहे. या महिलेचा करोनाने मृत्यू झाल्याचं निष्पन्न झाल्यास राज्यातील करोनाचा हा चौथा बळी असेल असेही सूत्रांनी सांगितलं. सदर महिला वाशीतील एका खासगी रुग्णालयात उपचार घेत होती. तिला करोनाची लागण झाल्याचंही निष्पन्न झालं होतं. मात्र, तिचा करोनानेच मृत्यू झाल्याचं अद्याप स्पष्ट झालेलं नाही. आरोग्य विभाग याबाबत तपास करत आहे.