OBC Caste | 18 ओबीसी जातींचा SC जातींमध्ये समावेश करण्याचा युपी सरकारचा आदेश अलाहाबाद हायकोर्टाने रद्द केला, भाजप सरकारला धक्का

OBC Caste | उत्तर प्रदेशातील १८ मागास जातींना अनुसूचित जाती (एससी) प्रवर्गात ठेवण्याचा राज्य सरकारचा आदेश अलाहाबाद हायकोर्टाने रद्द केल्यानंतर राज्यात राजकीय आरोप-प्रत्यारोपांची मालिकाच सुरू झाली आहे. या १८ मागास जातींच्या ‘हक्कां’साठी लढण्याचा इरादा राज्यातील प्रमुख विरोधी पक्ष समाजवादी पक्षाने (सप) व्यक्त केला आहे, तर सत्ताधारी भारतीय जनता पक्षाने (भाजप) त्यांची मते घेऊन त्यांचा विश्वासघात केल्याचा आरोप काँग्रेसने केला आहे. अनुसूचित जातींमध्ये १८ मागास जातींचा समावेश करण्यासाठी राज्य सरकारने यापूर्वी काढलेल्या अधिसूचना चुकीच्या आणि ‘घटनाबाह्य’ असल्याचे भाजपचा मित्रपक्ष निषाद पक्षाने म्हटले आहे. या प्रकरणी आपला संघर्ष सुरूच ठेवणार असल्याचे निषाद पक्षाने स्पष्ट केले आहे.