Onion Price Hike | सामान्य लोकांना कांदा रडवणार, घाऊक आणि किरकोळ बाजारात कांद्याचे भाव प्रचंड वाढले

Onion Price Hike | नाशिकच्या लासलगाव मंडईत कांद्याचे सरासरी घाऊक भाव सोमवारी अचानक ४० टक्क्यांनी वाढले. येथील कांद्याचे सरासरी दर शनिवारी १२८० रुपये प्रतिक्विंटल होते, ते सोमवारी १८०० रुपये प्रतिक्विंटल झाले. सोमवारी दिवसभरात सुमारे दहा हजार क्विंटल कांद्याचा लिलाव झाला. कमीत कमी १००० रुपये तर कमाल २१०० रुपये प्रतिक्विंटल असा घाऊक दर नोंदविण्यात आला. एपीएमसीच्या एका अधिकाऱ्याने सांगितले की, कांदा निर्यातदारांनी परदेशी बाजारात विकण्यासाठी कांदा खरेदी करण्यास सुरुवात केली आहे.