रमेश वाळूंज यांची पत्नी कल्पना वाळूंज यांनी आशिष शेलार आणि भाजपची पोलखोल केली, भाजपने मुंबईकरांना खोटी माहिती दिली

MLA Ashish Shelar | शिवसेना पक्षप्रमुख उद्धव ठाकरे यांनी मुंबईत झालेल्या शिवसेना गटप्रमुखांच्या मेळाव्यात मुख्यमंत्री एकनाथ शिंदे यांच्यासह भाजपवरही जोरदार निशाणा साधला होता. मुंबईवर जेव्हा संकटं येतात तेव्हा शिवसैनिक रस्त्यावर असतो, पण भाजपवाले कुठे असतात? असा सवाल उद्धव ठाकरेंनी विचारला होता. 26 जुलैचा पूर असो किंवा 26/11 चा हल्ला संकटाच्या काळात शिवसैनिक रस्त्यावर येतो आणि मुंबईकरांची मदत करतो, असं उद्धव ठाकरे म्हणाले होते. उद्धव ठाकरे यांच्या या टीकेला आता भाजपने प्रत्युत्तर दिलं होतं. भाजप नेते आणि मुंबई भाजपचे अध्यक्ष आशिष शेलार यांनी उद्धव ठाकरे यांच्यावर निशाणा साधला होता.