Realme 10 Series | रियलमी 10 सीरीज नोव्हेंबरमध्ये होणार लाँच, हे असतील संभावित फीचर्स आणि किंमत

Realme 10 Series | स्मार्टफोन निर्माता कंपनी रियलमीने जाहीर केले आहे की, पुढील महिन्यात म्हणजेच नोव्हेंबरमध्ये सीरिज 10 स्मार्टफोन लाँच केले जातील. कंपनीने ट्विटरवरून ही माहिती दिली आहे. कंपनीने म्हटले आहे की, आगामी रियलमी 10 सीरीजच्या स्मार्टफोनमध्ये कंपनीचा परफॉर्मन्स, डिस्प्ले आणि डिझाइनमध्ये सुधारणा करण्यावर भर असेल. मात्र, कंपनीने लाँचिंगच्या तारखेबाबत कोणतीही माहिती दिलेली नाही. रिपोर्ट्सनुसार, डिस्प्ले, डिझाइन आणि परफॉर्मन्सशी संबंधित तंत्रज्ञानात सुधारणा करण्यात आली आहे. मीडियाटेक हीलियो जी ९९ चिपसेट व्हॅनिला व्हेरियंटला पॉवर देईल. त्याचबरोबर प्रो+ व्हेरियंटमध्ये मीडियाटेक डायमेन्शन 1080 चिपसेट असणार आहे. हे रियलमी ९ ची जागा घेईल जे रियलमीने प्रथम २०२२ मध्ये लाँच केले होते.