महत्वाच्या बातम्या

• 

  पत्नी तिरुपती देवस्थानच्या विश्वस्त; ११ गृहनिर्माण संस्थांना झुगारून अर्थमंत्र्यांसाठी २०० कोटीचा प्लॉट १ रु दराने भाडेपट्ट्याने

  श्रीमंत तिरुपती देवस्थानाला मुंबईतली कोट्यवधींची जमीन एक रुपया भाडेपट्ट्याने देण्याचा निर्णय राज्य मंत्रिमंडळाने घेतला आहे. देवस्थानाच्या मागणीनुसार मुंबईतील वांद्रे उपनगरातील शासकीय जमीन 30 वर्षांसाठी भाडेपट्ट्याने देण्यास ८ ऑगस्ट रोजी झालेल्या मंत्रिमंडळाच्या बैठकीत मंजुरी देण्यात आली. आपल्या पत्नीचे विश्वस्त पद कायम राहावे म्हणून राज्याच्या अर्थमंत्र्यांनी ८० कोटी किंमत असणारी सरकारी जमीन तिरुपती देवस्थान ट्रस्टला चक्क १ रुपया या कवडीमोल भावाने दिल्याचा प्रकार उघडकीस आला आहे. या कामासाठी पारदर्शकतेचा कायम पुरस्कार करणा-या मुख्यमंत्र्यांनीही पाठिंबा दिल्याची माहिती मंत्रालयातील विश्वसनीय सूत्रांनी दिली आहे. दरम्यान, या जमिनीचे बाजारमूल्य दोनशे कोटी आहे.

  5 वर्षांपूर्वी
• 

  आधी विहिरी गायब आता 'ती' करोडो झाडं गायब? केंद्राच्या समृद्ध जंगलाच्या यादीत राज्याचं नाव नाही

  भारत सरकारच्या केंद्रीय वन आणि पर्यावरण विभागामार्फत समृद्ध जंगल असणाऱ्या टॉप ८ राज्यांची यादी अधिकृतपणे जाहीर करण्यात आली आहे. त्यानुसार या यादीत सिक्कीम, मिझोराम सारख्या छोट्या राज्यांनी अव्वल क्रमांक प्राप्त झाला आहे. परंतु, या यादीत महाराष्ट्राला कोणतेही स्थान मिळालेले नसल्याचा दावा राष्ट्रवादी कॉंग्रेसने फेसबुकच्या माध्यमातून केला आहे.

  6 वर्षांपूर्वी
• 

  पोटनिवडणूक: चंद्रपूर नगरपरिषदेत काँग्रेसचा भाजपाला दणका; पुण्यात भाजपचा आयात उमेदवार विजयी

  राज्याचे अर्थमंत्री सुधीर मुनगंटीवार यांच्या विधानसभा क्षेत्रात भारतीय जनता पक्षाला जोरदार धक्का बसला आहे. मूल नगर परिषद पोटनिवडणुकीत भारतीय जनता पक्षाचा पराभव झाला असून भारतीय जनता पक्षाच्या अधिकृत उमेदवार शिल्पा रामटेके यांचा काँग्रेस उमेदवार ललिता फुलझेले यांनी एकूण १७६ मतांनी पराभव केला आहे. वॉर्ड क्रमांक ६ मध्ये भारतीय जनता पक्षाचे नगरसेवक अपात्र झाल्याने पोटनिवडणूक घेण्यात आली होती.

  6 वर्षांपूर्वी
• 

  आज फडणवीस सरकारचा शेवटचा अर्थसंकल्प

  महाराष्ट्र राज्याचा आर्थिक पाहणी अहवाल सादर करण्यात आला आहे. सदर अहवालात राज्याची अर्थव्यवस्था देशाच्या ६.८ टक्के विकास दरापेक्षा अधिक वेगाने म्हणजे ७.५ टक्के दराने विकसित होत असून राज्याने आधीच्या ४ वर्षात सरासरीपेक्षा कमी पाऊस होऊनही प्रगतीची घोडदौड निरंतर राखण्यात यश प्राप्त झाले असल्याचे वित्त व नियोजनमंत्री सुधीर मुनगंटीवार यांनी सांगितले. त्यामुळे मुनगंटीवार आज दुपारी १.४५ वाजता राज्य सरकारचा अंतरिम अर्थसंकल्प सादर करतील.

  6 वर्षांपूर्वी
• 

  रसायनीतल्या एचओसी कंपनीत प्रचंड वायुगळती, शेकडो माकडं आणि पक्षी मृत्युमुखी

  रसायनी इथल्या पाताळगंगा परिसरात असलेल्या हिंदुस्थान ऑर्गेनिक केमिकल कंपनीतून प्रचंड प्रमाणात वायुगळती झाल्याचे वृत्त आहे. बुधवारी रात्री ९.४५ च्या सुमारास सदर घडना घडल्याचे समजते. दरम्यान, या वायुगळतीमुळे शेकडो जनावरं आणि पक्षी मृत्युमुखी पडल्याचे समजते.

  6 वर्षांपूर्वी
• 

  आरे कॉलनी जंगलातील आगीमागे मोठं षडयंत्र ? उच्चस्तरीय चौकशी होणार

  गोरेगावच्या नागरी निवारा परिषदेच्या मागच्या बाजूला असलेल्या डोंगरावर लागलेल्या आगीवर जवळपास ६ तासांनतर नियंत्रण मिळवण्यात अग्निशमन दलाच्या जवानांना यश प्राप्त झाले आहे. काल रात्रीच्या अंधारात अनेक तांत्रिक अडचणी येत होत्या. आजूबाजूच्या सुकलेल्या वृक्षांमुळे ही आग आजूबाजूच्या ३ ते ४ किलोमीटर परिसरात पसरल्याचा प्राथमिक अंदाज अग्निशमन दलाने व्यक्त केला आहे.

  6 वर्षांपूर्वी
• 

  अवनी वाघिणीचे बछडे सुखरूप, जंगलात रस्ता ओलांडताना दर्शन

  यवतमाळच्या जंगलात ३ नोव्हेंबर रोजी अवनी वाघिणीला शार्प शुटर असगर याने गोळ्या घालून ठार मारले होते. परंतु, अवनीच्या मृत्यूनंतर तिच्या २ बछड्याचे दर्शन अनेक दिवसांपासून झाले नव्हते. दरम्यान, अवनी वाघिणीच्या मृत्यूनंतर जंगलात बेपत्ता आणि भुकेल्या असलेल्या तिच्या २ बछड्यांचे अखेर गुरुवारी यवतमाळमधील जंगलात रस्ता ओलांडताना दर्शन झाले.

  6 वर्षांपूर्वी
• 

  जीएसटी कपात आणि हे झालं आता स्वस्त.

  नक्की कोणत्या वस्तू झाल्या आता स्वस्त दरात ?

  7 वर्षांपूर्वी