Tesla Motors | भारतात होणार जगप्रसिद्ध टेस्ला कारचे उत्पादन? | एलॉन मस्क यांनी दिली मोठी माहिती

अमेरिकेतील इलेक्ट्रिक कार निर्माता कंपनी टेस्लाच्या भारतात प्रवेशाबाबत अनेक दिवसांपासून चर्चा सुरू आहे. आता जगातील सर्वात श्रीमंत व्यक्ती आणि टेस्लाचे मालक एलन मस्क यांनी याबाबत मोठं विधान केलं आहे. मस्क यांनी ट्विटरवरील एका पोस्टला उत्तर देताना म्हटले आहे की, “टेस्ला अशा कोणत्याही ठिकाणी उत्पादन प्रकल्प उभारणार नाही जिथे आम्हाला प्रथम कार विकण्याची आणि सेवा देण्याची परवानगी नाही.” याचा अर्थ असा आहे की मस्क यांच्या मते, टेस्ला प्लांट उभारला जाईल जिथे त्याला प्रथम कार विकण्याची परवानगी दिली जाईल.