देशात महागाई आणि बेरोजगारीच्या विरोधात वातावरण तापताच अमित शहा यांनी राम मंदिराचा मुद्दा काढला | नेटिझन्स संतापले

काँग्रेस नेते राहुल गांधी आणि प्रियंका गांधी या दोघांनाही दिल्ली पोलिसांनी काल ताब्यात घेतलं. महागाई आणि बेरोजगारीच्या विरोधाता काँग्रेसने काल जोरदार आंदोलन केलं. काल मोठ्याप्रमाणावर देशव्यापी आंदोलन करण्यास सुरूवात झाली होती. देशभरात महागाई आणि बेरोजगारीच्या मुद्द्यावर आंदोलन जोर पकडत आहेत. त्यामुळे मोदी सरकारचं टेन्शन वाढल्याची चर्चा आहे. देशभरात वाढलेल्या महागाईमुळे जनतेमध्ये संताप असल्याचं स्पष्ट दिसत आहे. मात्र महागाई आणि बेरोजगारीचा आगामी लोकसभा आणि विधानसभा निवडणुकीत फटका बसू नये म्हणून भाजपने पुन्हा धार्मिक मुद्दे पुढे रेटण्यास सुरुवात केली आहे. त्यानंतर नेटिझन्सनी भाजपाला झापताना आता हे असले राजकीय धंदे बस करा आणि आम्हाला सगळं कळून चुकलं आहे असं अनेकांनी अमित शहांच्या प्रतिक्रियेवर व्यक्त होताना म्हटले आहे.