Video Viral | भला मोठा सुरा घेऊन बँकेत घुसलेल्या गुंडाला मर्दानी महिला बॅंक मॅनेजर अशी बिनधास्त नडली, व्हिडीओ तुफान व्हायरल

Video Viral | सोशल मीडियावर आपण अनेकदा बँक चोरीचे व्हिडीओ पाहिले असतील. दरम्यान, राजस्थानच्या श्रीगंगानगर भागातील बँक लुटल्याची घटना समोर आली आहे, तसेच तेथील चोरीचा व्हिडीओ सध्या व्हायरल होत आहे. व्हिडीओमध्ये जर तुम्ही पाहिले तर तुमच्या लक्षात येईल की, काही दरोडेखोर मरुथरा बँकेमध्ये दरोडा टाकण्याच्या उद्देशाने घुसले आहेत पण त्यांना तिथे एक ‘रिव्हॉल्व्हर राणी’ भेटली आणि त्यांचा प्लॅन फासला. या ‘रिव्हॉल्व्हर क्वीन’कडे रिव्हॉल्व्हर प्लस होते म्हणायला हरकत नाही. ही महिला दुसरी तुसरी कोणी नसून बँकेची मॅनेजर आहे जिने एवढे शौर्य दाखवले की आता सगळेच तिच्या शहाणपणाचे आणि धाडसाचे कौतुक करत आहे. चोर चाकूचा धाक दाखवत होते पण ते बँक मॅनेजर पूनम गुप्ता यांना घाबरवू शकले नाहीत कारण पूनम गुप्ता सशस्त्र दरोडेखोराचा धैर्याने सामना करताना या व्हिडीओमध्ये आपल्याला दिसून येते. या गोंधळादरम्यान बँकेच्या सुरक्षा कर्मचाऱ्यांनीही चोरट्याला पकडून बाहेर काढले आहे.