JioAirFibre 5G Connection | जिओ एअरफायबर लाँच होणार, तुम्हाला केबलशिवाय अल्ट्रा-हाय-स्पीड 5G कनेक्शन मिळणार

JioAirFibre 5G Connection | जिओने जिओएअरफायब्रे हे नवीन डिव्हाईस आणण्याची घोषणा केली आहे. हे डिव्हाइस आल्यानंतर युजर्संना घरी बसून किंवा ऑफिसमध्ये फायबर केबल कनेक्शनशिवाय 5 जी सेवेचा लाभ घेता येणार आहे. जिओ या सेवेला ट्रू 5 जी म्हणत आहे. कंपनी ऑक्टोबरच्या अखेरीस ही सेवा सुरू करणार आहे. ज्यानंतर जिओ एअर फायबर डिव्हाइसवरून जिओ 5 जी सेवा घेता येणार आहे. सोमवारी रिलायन्स इंडस्ट्रीजचे (आरआयएल) अध्यक्ष मुकेश अंबानी यांनी स्वत: कंपनीच्या ४५ व्या वार्षिक सर्वसाधारण सभेत (एजीएम) याची घोषणा केली.

मुकेश अंबानी यांनी एजीएमला सांगितले की, जिओ गुगलसोबत 5 जी स्मार्टफोनवर सतत काम करत आहे, जेणेकरुन अल्ट्रा-अफोडेर्बल सेवा दिली जाईल. यासोबतच कंपनी क्वालकॉम या मोबाइल प्रोसेसर बनवणाऱ्या प्रसिद्ध कंपनीसोबतही काम करत आहे. अंबानी म्हणाले की, त्यांची कंपनी केवळ भारतातच नव्हे तर जागतिक स्तरावर 5 जी सेवा देण्याची तयारी करत आहे.

जिओएअरफायबर जिओ 5G :
जिओएअरफायबर जिओ 5जी युजर्संना वायरशिवाय अल्ट्रा हाय फायबर सारखा स्पीड देणार आहे. जिओ एअर फायबरच्या मदतीने जिओ 5जी युजर्स घरबसल्या किंवा ऑफिसमध्ये बसून गिगाबेट-स्पीड इंटरनेटशी कनेक्ट होऊ शकणार आहेत. हे इतर वैयक्तिक वाय-फाय हॉटस्पॉट डिव्हाइसप्रमाणेच कार्य करेल. जिओएअरफायबर भारतात पूर्णपणे विकसित केले जात आहे.

जिओएअरफायब्रेचा अल्ट्रा हाय-स्पीड ब्रॉडबँड :
मुकेश अंबानी यांनी एजीएममध्ये सांगितले की, जिओएअरफायब्रेचा अल्ट्रा हाय-स्पीड ब्रॉडबँड खूप कमी वेळात मोठ्या संख्येने लोकांना एकत्र जोडेल. ही वायरलेस ब्रॉडबँड सेवा सुरू झाल्याने भारत टॉप-10 देशांमध्ये असेल जिथे केबल कनेक्शनशिवाय अल्ट्रा हायस्पीड ब्रॉडबँड सेवा उपलब्ध आहे. याशिवाय रिलायन्स जिओ लवकरच 10 हजार रुपयांपेक्षा कमी किंमतीत 5 जी स्मार्टफोन लाँच करणार आहे.

यावर्षी दिवाळीच्या सुमारास जिओ 5G सेवा :
यावर्षी दिवाळीच्या सुमारास जिओ ५ जी सेवा भारतात सुरू करण्याची कंपनीची इच्छा आहे. सुरुवातीला ही सेवा दिल्ली, मुंबई, चेन्नई, कोलकाता अशा प्रमुख महानगरांमध्ये देण्यात येणार आहे. डिसेंबर 2023 पर्यंत देशभरातील लोकांना 5 जी सेवा मिळण्यास सुरुवात होईल, अशी अपेक्षा आहे. कंपनी हळूहळू 4जी नेटवर्कवरील अवलंबित्व पूर्णपणे दूर करेल आणि ट्रू-5 जी सेवा देईल, असेही अंबानी यांनी म्हटले आहे.

एंड-टू-एंड 5G स्टॅक विकसित केला :
रिलायन्स इंडस्ट्रीजच्या अध्यक्षांनी आपल्या वार्षिक सर्वसाधारण सभेत सांगितले की, जिओने स्वदेशी स्तरावर एंड-टू-एंड 5 जी स्टॅक विकसित केला आहे, जो पूर्णपणे क्लाऊड नेटिव्ह आहे, सॉफ्टवेअर परिभाषित आहे. यात क्वांटम सिक्युरिटीसारख्या सर्व प्रगत वैशिष्ट्यांसाठी देखील समर्थन आहे. त्यामुळेच डिजिटल पद्धतीने त्याचे सहज व्यवस्थापन करता येते. अंबानी म्हणाले की, त्यांच्या 5 जी नेटवर्कची क्षमता अशी असेल की, करोडो युजर्स पहिल्या दिवसापासून याचा वापर करू शकतील.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: JioAirFibre 5G Connection will be launch from October check details 30 August 2022.