मनसे पदाधिकारी राकेश पाटील यांची हत्या इमारतीमध्ये ग्रिलचे काम घेण्याच्या वादातुन

उल्हासनगर, २९ ऑक्टोबर: उल्हासनगर शहर महाराष्ट्र नवनिर्माण विद्यार्थी सेनेच्या अध्यक्षावर अंबरनाथ शहरात झालेल्या हल्ल्याची घटना ताजी असतानाच, बुधवारी सायंकाळी आणखी एका मनसे नेत्यावर हल्ला झाल्याची घटना घडली होती. मनसे अंबरनाथ उपशहर अध्यक्ष राकेश पाटील यांची तलवारीने वार करून हत्या करण्यात आल्याची धक्कादायक घटना काल घडली.

अंबरनाथमध्ये शिवमंदिर मार्गावर रिलायन्स रेसिडेन्सी भागातील पटेल आर मार्टजवळ बुधवारी रात्री मनसे उपशहर अध्यक्ष राकेश पाटील यांच्यावर चार हल्लेखोरांनी तलवारी वार केल्याची घटना घडली. रुग्णालयात उपचारादरम्यान त्यांचा मृत्यू झाला. जागेच्या वादातून ही हत्या झाल्याची प्राथमिक अंदाज बांधण्यात आला होता. या प्रकरणी शिवाजी नगर पोलिसांनी चार संशयित आरोपींना ताब्यात घेतले होतं.

दरम्यान, पालेगाव आणि अंबरनाथ गांव परिसरात नव्याने विकसीत होणा-या इमारतीमध्ये ग्रिलचे काम घेण्याच्या वादातुन राकेश पाटील यांची हत्या झाल्याचे फिर्यादीत नमुद करण्यात आले आहे. या हत्येचा मुख्य सुत्रधार हा अंबरनाथमधील एका बडय़ा बांधकाम व्यवसायीकाचा हस्तक आहे. त्यामुळे नेमकी हत्या ग्रिलचे काम घेण्यावरुन झाले आहे की इतर कारण आहे याचा पोलीस शोध घेत आहे. दरम्यान या हत्येतील 10 आरोपींपैकी चार आरोपींना पोलीसांनी रात्री 8 वाजताच अटक केली आहे.

News English Summary: While the incident of attack on the president of Ulhasnagar city Maharashtra Navnirman Vidyarthi Sena in Ambernath city was fresh, another MNS leader was attacked on Wednesday evening. MNS Ambernath Deputy City President Rakesh Patil was stabbed to death yesterday.

News English Title: Builders under scan behind Ulhasnagar MNS leader Rakesh Patil murder dispute over building grill work News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.