महाराष्ट्रात राहता तर मराठी भाषा शिका; राज्यपालांचा मनसे बाणा

नवी मुंबई: मराठी भाषेबद्दल राज ठाकरे यांची महाराष्ट्र नवनिर्माण सेना नेहमीच आग्रही राहिली आहे. राज्यात राहणाऱ्या परप्रांतीयांनीं देखील मराठी भाषा शिकलीच पाहिजे हे मनसेचा नेहमीच आग्रह राहिला आहे. इतर भाषिकांच्या कार्यक्रमात देखील मनसे अध्यक्षांनी मराठी भाषेच महत्व मांडलं आहे. त्यामुळे मनसे नेहमीच परप्रांतीय लोंढ्यांच्या नजरेत खुपली आहे. मराठी बद्दलची कोणतीही भूमिका मनसेच्या नेत्यांनी मांडताच त्यावर बातम्या बनतात, मात्र मनसे व्यतिरिक्त एखादी महत्वाची व्यक्ती मराठीचा आग्रह मांडते, तेव्हा मात्र ती भुमीका अत्यंत सौम्य पणे घेतली जाते.

वाशी नवी मुंबई येथे उत्तराखंड शासनाच्या वतीने बांधण्यात आलेल्या ‘उत्तराखंड भवन‘ अतिथीगृह व एम्पोरियमचे उद्घाटन महाराष्ट्राचे राज्यपाल भागतसिंह कोश्यारी व उत्तराखंडचे मुख्यमंत्री त्रिवेंद्र सिंह रावत यांच्या प्रमुख उपस्थितीत आज येथे संपन्न झाले. pic.twitter.com/S8Q3ktl269

— Governor of Maharashtra (@maha_governor) January 15, 2020

कारण सध्या मनसेचा मराठी बद्दलचा आग्रह सर्वश्रुत असला तरी या विषयावर राज्याच्या राज्यपालांनी मराठीचा आग्रह धरल्याने आश्चर्य व्यक्त करण्यात येते आहे. ‘महाराष्ट्र आणि उत्तराखंड या दोन राज्यांमध्ये सांस्कृतिक आदानप्रदान व एकतेची भावना आहे. मराठी आणि उत्तराखंडातील पहाडी भाषा या दोन भाषांमध्ये बरेचसे साधर्म्य आहे. मराठी बोलणे फारसे अवघड नाही. महाराष्ट्रात राहणाऱ्या प्रत्येकाला मराठी भाषा बोलता येणे आवश्यक आहे. महाराष्ट्रात राहता तर मराठी भाषा शिका,’ असे आवाहन महाराष्ट्राचे राज्यपाल भगत सिंह कोश्यारी यांनी नवी मुंबईत केले.

Maharashtra Governor Bhagat Singh Koshyari and Uttarakhand Chief Minister Trivendra Singh Rawat today inaugurated the newly built ‘Uttarakhand Bhawan’ at Vashi, Navi Mumbai. pic.twitter.com/Bu7sbshOGi

— Governor of Maharashtra (@maha_governor) January 15, 2020

उत्तराखंड राज्यात ‘ऍडव्हेंचर टूरिझम’ विकसित करणार असून १२०० कोटी रुपये खर्च करून टेहरी पर्यटनस्थळ विकसित करण्यात येत असल्याचे सांगून मुख्यमंत्री रावत यांनी उत्तराखंड राज्यात सरकारच्या वतीने राबविण्यात येत असलेल्या विविध उपक्रमांची माहिती दिली. उत्तराखंड भवन राज्यासाठी सन्मानाचे प्रतीक आहे. पर्यटन, उत्पादन, गुंतवणूकदारांसाठी या भवनात कार्यालय बनवणार असल्याचेही त्यांनी सांगितले. महापौर जयवंत सुतार यांनी उत्तराखंड सरकारला सर्वोतपरी सहाय्य करण्याचे आश्वासन दिले.

Uttarakhand’s Minister Rekha Arya, Mayor of Navi Mumbai Jayawant Sutar, former Minister Ganesh Naik, legislator Manda Mhatre, industrialist K S Panwar, people’s representatives from Uttarakhand, officials and invitees were present. pic.twitter.com/Td7s1LawZ4

— Governor of Maharashtra (@maha_governor) January 15, 2020

Web Title:  Every person living in Maharashtra should speak Marathi Language says Maharashtra Governor Bhagat Singh Koshyari.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.