3 February 2025 7:59 AM
अँप डाउनलोड
बातम्या फ्लॅश
Senior Citizen TDS Limit | ज्येष्ठ नागरिकांना मिळणार 1 लाख रुपयांचा फायदा, पैसे कसे वाचणार समजून घ्या Vodafone Idea Share Price | व्होडाफोन कंपनीचा पेनी शेअर फोकसमध्ये, तज्ज्ञांनी दिले महत्वाचे संकेत - NSE: IDEA SBI Mutual Fund | पगारदारांनो, ही SBI म्युच्युअल फंड योजना महिना 3500 रुपये SIP वर देईल 2 कोटी रुपये परतावा New Income Tax Slab | 12 लाख ते 50 लाख रुपये उत्पन्नावर किती टॅक्स भरावा लागेल आणि बचत किती होईल जाणून घ्या Smart Investment | तुमचा महिना पगार कितीही असला तरी 'या' 3 पर्यायांमध्ये पैसे गुंतवा, कधीच आर्थिक कोंडी होणार नाही 5G Smartphone | स्मार्टफोन प्रेमींनो 5G स्मार्टफोन खरेदी करण्याचा बजेट तयार ठेवा, कोणते नवीन स्मार्टफोन लॉन्च होणार CIBIL Score | 'या' 6 सोप्या स्टेप्समुळे तुमचा सिबिल स्कोर भराभर वाढवेल, 500 हून थेट 800 चा आकडा गाठेल, असं शक्य होइल
x

नवी मुंबई: शिवसेनेतील अंतर्गत वादातून स्वकीयांना जीवे मारण्याच्या धमक्या

Navi Mumbai Shivsena, Vijay Chaugule, Pravin Mhatre

नवी मुंबई: विधानसभा निवडणुकीचा प्रचार शिगेला पोहोचलेला असताना अनेक शहरांमध्ये पक्षातील अंतर्गत वाद टोकाला जाताना दिसत आहेत. त्यात नवी मुंबईमध्ये शिवसेनेच्या वाट्याला एकही मतदारसंघ आलेला नसल्याने कार्यकर्त्यांमध्ये नाराजी आहे. विधानसभा निवडणुकीच्या अनुषंगाने नवी मुंबई महानगरपालिकेचे विरोधी पक्षनेते विजय चौगुले यांच्या विरोधात कोपरखैरणे पोलीस ठाण्यात सेनेच्याच पदाधिकाऱ्याने तक्रार दाखल केल्याने त्यांच्यावर गुन्हा दाखल करण्यात आल्याचं वृत्त आहे.

काल संध्याकाळी ऐरोली येथे विरोधी पक्षनेते विजय चौगुले यांनी पक्षांतर्गत राजकीय बैठक बोलवली होती. मात्र सदर बैठक शिवसेनेची अधिकृत नसल्याचे इतर पदाधिकाऱ्यांचे म्हणणे होते. त्यावरून शहर प्रमुख प्रवीण म्हात्रे यांनी त्या बैठकीच्या बाबतीत स्थानिकांना माहिती देण्यासाठी स्वतः मेसेज तयार करून ते शिवसेनेच्या व्हॉट्स अ‍ॅप ग्रुपवर व्हायरल केले होते. मात्र त्यानंतर संतापलेल्या विजय चौगुले यांनी त्याचा जाब विचारण्यासाठी प्रवीण म्हात्रे यांना फोन केला होता. त्यादरम्यान दोघांमध्ये वादविवाद वाढत शाब्दिक चकमक उडाली आणि त्यानंतर संतापलेल्या विजय चौगुले प्रवीण म्हात्रे यांनी थेट जीवे मारण्याची धमकी दिल्याची तक्रार म्हात्रे यांनी कोपरखैरणे पोलीस स्थानकात केली आहे.

पोलिसांकडे तक्रार केली असता विजय चौगुले यांच्यावर गुन्हा दाखल करण्यात आला आहे. मात्र यासंदर्भात विजय चौगुले यांच्याशी प्रसार माध्यमांच्या प्रतिनिधींनी संपर्क साधला असता त्यांनी कोणताही प्रतिसाद दिला नाही, तसेच प्रवीण म्हात्रे यांनी केलेला दावा खोडून देखील काढला नाही.

हॅशटॅग्स

#Shivsena(1170)

संबंधित बातम्या

राहुन गेलेल्या बातम्या

x