KDMC | मनसेला मोठं खिंडार | मंदार हळबे भाजपमध्ये | मनसेचा निवडणुक मार्ग खडतर

कल्याण, ०२ फेब्रुवारी: कल्याण डोंबवली महापालिका निवडणुकीपूर्वी शिवसेनेने मनसेला काल मोठा धक्का दिला होता. मुख्यमंत्री उद्धव ठाकरे यांच्या उपस्थितीत मनसेचे प्रदेश उपाध्यक्ष राजेश कदम यांच्यासह डोंबिवलीतील असंख्या कार्यकर्त्यांनी शिवसेनेत प्रवेश केला होता. राजेश कदम हे पदाधिकारी असताना देखील त्यांना थेट मुख्यमंत्र्यांचं निवासस्थान असलेल्या वर्षावर राजेश कदम यांचा पक्षप्रवेश देऊन राजेश कदम यांचं कल्याण डोंबिवलीत राजकीय वजन वाढविण्याचा प्रयत्न करण्यात आला आहे. साहजिकच राजेश कदम यांच्या शिवसेना प्रवेशाने मनसेला मोठा फटका बसणार आहे.

मनसेचे कदम यांच्यासह मनसे विद्यार्थी संघटनेचे सागर जेधे, कल्याण तालुकाध्यक्ष अजरुन पाटील, दीपक भोसले आदी कार्यकर्त्यांनी शिवसेनेत प्रवेश केला होता. कदम हे पूर्वी शिवसेनेत होते. मनसेची स्थापना झाली त्यादिवपासून ते संस्थापक सदस्य होते. 2009 साली त्यांनी डोंबिवली विधानसभा मतदार संघातून विधानसभेची निवडणूक लढविली होती. विविध कल्पक आंदोलने करुन महापालिकेतील शिवसेना भाजप युतीला कायम जाब विचारून धारेवर धरणारे अशी कदम यांची प्रतिमा आहे. मनसेचा सच्च कार्यकर्ता अशी त्यांची ओळख होती. काल त्यांनी शिवसेनेत प्रवेश केला आहे.

दरम्यान, सध्या कल्याण ग्रामीण मतदारसंघातील मनसेचे एकमेव आमदार राजू पाटील यांच्या मतदारसंघात शिवसेना भाजपने मनसेला खिंडार पाडण्याचं काम सुरू केलं आहे. मनसेचे अनेक पदाधिकारी शिवसेना-भाजपाच्या वाटेवर असल्याचं समजतंय. मंदार हळबे हे आतापर्यंत २ वेळा नगरसेवक म्हणून निवडून आले आहेत, तर मागील विधानसभा निवडणुकीत मनसेकडून डोंबिवली मतदारसंघाची तिकीट हळबेंना देण्यात आली होती, तेव्हा ३७ हजारांनी मंदार हळबे यांचा पराभव झाला होता.

मंदार हळबे हे कल्याण-डोंबिवली महापालिकेत विरोधी पक्षनेतेही होते, सोमवारी शिवसेनेने मनसे प्रदेश उपाध्यक्ष राजेश कदम यांच्यासह सागर जेधे यांचा मुख्यमंत्री उद्धव ठाकरे यांच्या हस्ते प्रवेश केला होता, त्यात मंगळवारी लगेचच मंदार हळबे यांचा भाजपा प्रवेश झाल्याने मनसेला डोंबिवलीत मोठे खिंडार पडल्याची चर्चा आहे.

News English Summary: At present, in the constituency of Raju Patil, the only MLA of MNS in Kalyan rural constituency, Shiv Sena BJP has started the work of splitting MNS. It is understood that many MNS office bearers are on the path of Shiv Sena-BJP. Mandar Halbe has been elected as a corporator twice so far, while in the last assembly elections, when MNS had given the ticket to Dombivali constituency to Halbe, Mandar Halbe was defeated by 37,000.

News English Title: KDMC MNS leader Mandar Halbe join BJP party before election news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.