कल्याण पत्री पूल गर्डर लॉचिंग | अखेर आगामी KDMC महानगरपालिकेचा इव्हेन्ट पूर्ण

कल्याण, २३ नोव्हेंबर: दोन वर्षांपासून तांत्रिक कारणांमुळे रखडलेल्या पत्रीपुलाच्या कामाला गती आली आहे. तुळई बसविणे आणि अन्य कामे डिसेंबरअखेपर्यंत पूर्ण करून जानेवारीत उड्डाणपूल वाहतुकीसाठी खुला करण्यात येईल, असे राज्य रस्ते विकास महामंडळाच्या अधिकाऱ्यांनी सांगितले. या पुलावसाठीची तुळई दोन दिवसांत ६० मीटरने पुढे ढकलण्याचे काम साडेसात तासांच्या मेगाब्लॉकमध्ये शनिवार आणि रविवारी करण्यात आले.

हैदराबाद येथे तुळईच्या सांध्याच्या सुटय़ा भागांचे काम करण्यात आले. दोन महिन्यांपूर्वी हे सांधे पत्रीपूलाच्या ठिकाणी आणण्यात आले होते. त्यांची जोडणी करून पूर्ण आकाराची तुळई तयार करण्याचे काम सुरू होते. तांत्रिक कौशल्यांचा वापर करून अवजड तुळई जागेवरून हलविण्याचे काम शनिवारी सुरू करण्यात आले. ७६.६३ मीटर लांबीची तुळई आहे.

दरम्यान, कल्याण डोंबिवली महानगरपालिकेच्या निवडणुका तोंडावर आल्याने शिवसेनेने देखील याला मोठं इव्हेंटचं रूप दिल्याचं पाहायला मिळालं. पत्रीपुलाचं उर्वरित 10 टक्के गर्डर लॉचिंगचे काम काल रात्रीच्या सुमारास रेल्वेवर विशेष ब्लॉक येऊन सुरु झाले. अंतिम टप्प्यात आलेल्या या पुलाचा सर्वात कठीण आणि तितकाच महत्वाचा टप्पा पूर्ण झाल्याने तांत्रिक कर्मचाऱ्यांसह सर्वांनीच सुटकेचा निश्वास सोडला. विशेष म्हणजे खासदार डॉ. श्रीकांत शिंदे हे स्वतः गर्डर लाँचिंगचे काम पूर्ण होईपर्यंत उपस्थित होते.

मध्यरात्री पावणे दोनच्या सुमारास सुरु झालेले गर्डर लाँचिंगचे काम पहाटे 6 वाजेपर्यंत पूर्ण झाले. श्रीकांत शिंदे हे सकाळप्रमाणेच मध्यरात्रीही काम पूर्ण होईपर्यंत याठिकाणी हजर होते. खासदारांनी संबंधित सर्व विभागांचे अधिकारी आणि कर्मचाऱ्यांचे अभिनंदन केले.

News English Summary: With the Kalyan Dombivli Municipal Corporation elections looming, the Shiv Sena has also turned it into a big event. The remaining 10 per cent girder launching work of Patripula started last night with a special block on the railway. The completion of the most difficult and equally important phase of the bridge, which was in its final stages, gave a sigh of relief to everyone, including the technical staff. Special mention should be made of MP Dr. Shrikant Shinde himself was present till the girder launching work was completed.

News English Title: Shivsena MP Shrikant Shinde made event of Kalyan Patri bridge Gardere work news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.