Gujarat Election 2022 | भाजपकडून उमेदवारांची पहिली यादी जाहीर, माजी मुख्यमंत्री आणि 38 आमदारांचा पत्ता कट

Gujarat Election 2022 | आगामी गुजरात विधानसभा निवडणुकीसाठी भारतीय जनता पक्षाने उमेदवारांची पहिली यादी जाहीर केली आहे. विधानसभेच्या १८२ जागांपैकी १६० जागांसाठी भाजपने आपल्या उमेदवारांची नावे जाहीर केली आहेत. मुख्यमंत्री भूपेंद्र पटेल हे घाटलोडिया विधानसभा मतदारसंघातून उमेदवार असतील. त्याचबरोबर पक्षाने मोरबी मतदारसंघातून विद्यमान आमदार ब्रजेश मेर्जा यांना डावलून त्यांच्या जागी कांतीलाल अमृतिया यांच्यावर पैज लावली आहे.

कापले तिकीट
केंद्रीय मंत्री भूपेंद्र यादव, मनसुख मांडविया आणि गुजरात भाजपचे अध्यक्ष सी.आर.पाटील यांनी दिल्लीत पक्षाच्या उमेदवारांच्या नावांची घोषणा केली. ते म्हणाले की, पक्षाने विद्यमान आमदारांच्या चर्चेनंतर आणि संमतीनंतर ३८ आमदारांना तिकिटे नाकारली आहेत. याआधी माजी मुख्यमंत्री विजय रुपाणी आणि उपमुख्यमंत्री नितीन पटेल यांनी तरुणांना संधी दिली जाईल, असं सांगत निवडणूक न लढवण्याची घोषणा केली होती.

१४ महिला उमेदवार उभे केले
भाजपने आपल्या उमेदवारांच्या पहिल्या यादीत १४ महिलांना तिकीट दिले आहे. यासह पक्षाने 69 विद्यमान आमदारांना तिकीट दिले आहे. माजी मुख्यमंत्री विजय रुपाणी यांची विधानसभा जागा असलेल्या राजकोट (पश्चिम) मधून पक्षाने डॉ. दर्शिता शाह यांना उमेदवारी दिली आहे. पक्षाने पहिल्या टप्प्यात विधानसभेच्या ८९ पैकी ८४ जागांसाठी उमेदवारांची नावे जाहीर केली आहेत. पहिल्या टप्प्यातील मतदान 1 डिसेंबरला होणार आहे, तर दुसऱ्या टप्प्यातील 93 जागांपैकी 76 उमेदवारांची नावं जाहीर करण्यात आली आहेत. दुसऱ्या टप्प्यातील मतदान 5 डिसेंबरला होणार आहे.

भारतीय जनता पार्टी केन्द्रीय चुनाव समिति ने गुजरात विधानसभा चुनाव-2022 के लिए निम्नलिखित नामों पर अपनी स्वीकृति प्रदान की है। (1/3) pic.twitter.com/Jk4YBdmzlk

— BJP (@BJP4India) November 10, 2022

निवडणूक दोन टप्प्यात
तत्पूर्वी, बुधवारी उमेदवारांच्या नावांबाबत भाजपच्या केंद्रीय निवडणूक समितीची बैठक झाली. या बैठकीला पंतप्रधान नरेंद्र मोदी, केंद्रीय गृहमंत्री अमित शहा, भाजपचे राष्ट्रीय अध्यक्ष जेपी नड्डा उपस्थित होते. 182 सदस्यीय गुजरात विधानसभेची निवडणूक दोन टप्प्यात होणार आहे. पहिला टप्पा १ डिसेंबरला तर दुसरा टप्पा ५ डिसेंबरला होणार आहे. गुजरात आणि हिमाचल प्रदेश निवडणुकांचे निकाल ८ डिसेंबरला जाहीर होणार आहेत.

News Title: Gujarat Election 2022 BJP first of Candidates declared check details 10 November 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.