मुंबईत पुढील ४८ तासात अतिमुसळधार पावसाची शक्यता | मागील ११ दिवसांतच पडला महिन्याभराचा पाऊस

मुंबई, १२ जून | मुंबईतील प्रादेशिक हवामान केंद्राकडून आगामी ४८ तासांमध्ये मुंबई व उपनगरांमध्ये मध्यम ते मुसळधार पावसाची तसेच, काही ठिकाणी अतिमुसळधार पावासाची शक्यता वर्तवण्यात आलेली आहे. तसेच, येत्या पाच दिवसात मुंबईसह कोंकण किनारपट्टीला मुसळधार पावसाचा इशारा देखील देण्यात आलेला आहे.

दरम्यान, या पावसामुळे जून महिन्याच्या सुरुवातीच्या ११ दिवसांमध्येच ५०५ मिमी या मासिक सरासरी एवढ्या पर्जन्यवृष्टीची नोंद झाली आहे. मुंबईमध्ये गेल्या ११ दिवसांत ५६५.२ मिमी पर्जन्यवृष्टी नोंदवली गेली आहे. दरम्यान, शुक्रवारी रात्रीपासून ते मंगळवारपर्यंत अतिमुसळधार पावसाची शक्यता वर्तवण्यात आली आहे. यादरम्यान, २०० मिमी पावसाची शक्यता आहे. हवामान खात्याने मुंबई, ठाणे, रायगड आणि रत्नागिरी या भागात रविवारी पर्जन्यवृष्टीसाठीचा हायअलर्ट घोषित केला आहे.

भारतीय हवामान विभागाने १३ व १४ जून या कालावधीदरम्यान मुंबई अतिमुसळधार पावसाची शक्यता असल्याचा इशारा दिला असल्यामुळे पालिका सज्ज झाली आहे. मुंबईतील समुद्रकिनारे आणि समुद्र किनाऱ्यांलगतचा परिसर आदी ठिकाणी जाणे नागरिकांनी टाळावे, असे आवाहन मुंबई महापालिकेच्या आपत्कालीन व्यवस्थापन खात्याद्वारे करण्यात आले आहे. तसेच या पार्श्वभूमीवर पालिकेने नियंत्रण कक्षांना दक्षतेचा इशारा दिला आहे.

Maharashtra: Rain continues to lash Mumbai; visuals from Western Express Highway at Vile Parle

Regional Meteorological Center, Mumbai says ‘moderate to heavy’ rainfall is likely to occur in Mumbai & suburbs with ‘possibility of very heavy rainfall at a few places’ during 48 hrs pic.twitter.com/jmlLUsYctM

— ANI (@ANI) June 12, 2021

येत्या 5 दिवसात मुंबई सह कोंकण किनारपट्टीला मुसळधार पावसाचा इशारा . अधिक माहिती साठी https://t.co/JYmdPo98tJ
ला भेट द्या . pic.twitter.com/5uCk6Mi1kX

— Regional Meteorological Center,Mumbai (@RMC_Mumbai) June 11, 2021

News Title: Meteorological Center Mumbai Says Moderate To Heavy Rainfall Is Likely To Occur In Mumbai city news updates.