Rain Alert | महाराष्ट्रात पावसाचा अलर्ट! कोकणासह महाराष्ट्रात विविध ठिकाणी पाऊस पडणार, पाऊस शनिवार-रविवारही गाजवणार

Rain Alert | मान्सूनची वाटचाल सकारात्मक वेगानं सुरु असतानाच आता महाराष्ट्रातील कोकण पट्ट्यामध्ये काही भागांत मान्सूनपूर्व पावसानं हजेरी लावल्याचं पाहायला मिळत आहे. बुधवारी राज्याच्या बहुतांश भागांमध्ये तापमानात, कमालीचे चढ- उतार पाहायला मिळाले. तर, काही भागांमध्ये हवेतील आर्द्रतेमुळं उकाडा अपेक्षेहून जास्त असल्याचं भासत होतं. त्यातच कोल्हापुरात पावसानं धुमाकूळ घातलं. महाराष्ट्रातील अनेक भागात पाऊस अचानक धुमाकूळ घालेल असं पाहायला मिळतंय. त्यामुळे या विंकेन्डला फिरायला जाणार असाल तर पावसाने कुठेतरी अडकून पडण्याची शक्यता आहे.

मुसळधार पावसाने कोल्हापुराला झोडपून काढलं
बुधवारी झालेल्या मुसळधार पावसाने कोल्हापुराला झोडपून काढलं. जिल्ह्यातील अनेक भागात वादळी वाऱ्यासह मुसळधार पाऊस झाला, त्यामुळे अनेक ठिकाणचे जनजीवन पूर्णत: विस्कळीत झाल्याचंही पाहायला मिळालं. श्रीक्षेत्र आदमापुरात मंदिराबाहेर असणाऱ्या छोट्या व्यापारांचं या पावसामुळं मोठं नुकसान झालं. मंडप आणि घरांवरील पत्रे उडाल्यामुळं अनेकांचीच तारांबळ उडाली.

हवामानाचा अंदाज
सध्याच्या घडीला विदर्भापासून तामिळनाडूपर्यंत एक कमी दाबाचा पट्टा तयार झाला आहे. जो मराठवाडा, कर्नाटकातून पुढे जात असून, त्यामुळं या भागांमध्ये हवामानबदलांनी नोंद केली जाऊ शकते. तिथे देश पातळीवर सांगावं तर, सक्रिय असणाऱ्या पश्चिमी झंझावाताचे परिणाम पुढील 2 दिवस कायम असणार आहेत.

गेल्या काही दिवसांपासून सुरु असणाऱ्या पावसामुळं सध्या उत्तराखंडमधील नद्या ओसंडून वाहू लागल्या आहेत. या भागात 2 जूनपर्यंत हलक्या ते मध्यम स्वरुपातील पावसाची शक्यता वर्तवण्यात आल्यामुळं प्रशासनही सतर्क असल्याचं पाहायला मिळत आहे. पुढील 2 दिवसांमध्ये हिमाचल प्रदेश आणि उत्तराखंडच्या पर्वतीय भागांमध्ये बर्फवृष्टीचा अंदाजही वर्तवण्यात आला आहे.

latest satellite obs at 7 pm today
convective activities over ghat areas of Pune Satara and further down on west coast. pic.twitter.com/GZHFtUYnGK

— K S Hosalikar (@Hosalikar_KS) May 31, 2023

News Title : Rain Alert weekend weather report update for monsoon predictions on 01 June 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.